關楚耀追時間

關楚耀Kelvin近排好忙。朝九晚七拍電視劇、籌備年尾出碟、出席各大潮牌活動……曝光率愈來愈多。「我想事業有一番作為，要追時間。」追時間就要睇時間，手錶一定是隨身物。Kelvin愛煞加州品牌NIXON的潮錶，今趟獲邀做Styling，大堆頭晒冷手錶、Headphone、Tee、Cap、Backpack等，連佢都禁不住話：「估唔到手錶品牌有咁多嘢喎！」

紫色NIXON Logo Tee $230（b）

阿美利堅出品

NIXON來港才不過兩年，勢力直線上升，深得潮星喜愛。不過很多人誤以為品牌摩登簡約的設計是出自日本仔手筆，實情NIXON於1998年在加州出世，以手錶起家，後來逐漸加入各式型人潮物。Kelvin說品牌未來港前一直靠朋友網購，最喜歡它有多色選擇，錶面又夠大：「價錢可以由幾百元去到兩萬幾元，平貴都有，玩得又Grand得。Accessories仲勁，今季我會入手Backpack，它的間隔多得嚟又分得仔細，擺嘢可以分門別類，唔怕亂。」

錶款驚喜十足

談回新一季的錶款，Kelvin大讚驚喜十足。「想不到NIXON會找Beastie Boys出限量系列，還用上玩味最重的Time Teller P為主角，錶面上印有Beastie Boys成員Mike D的造型，顏色好搶眼，襯Tee一流。」另外，小記推介白色的牛奶系列，簡約型格之餘，設計更別有洞天，品牌創新開發Chromacoat末道漆塗層，白色表層會隨個人佩戴時的自然磨損，慢慢顯現出底層的金色。另外，愛旅遊的人則要注意NIXON首個指針式的世界時間機芯手錶The Passport，只需轉動錶圈，便可自動讀取及設定不同國家之時間，非常方便。型人必選軍綠黑和經典黑金兩大系列，備有51mm闊的51-30 Chrono Leather、51-30 Chrono及Chronicle，粗獷有型。