不少人小時候都到過活性乳酸菌飲品的製造工場參觀，自認由細飲到大的頭號粉絲HotCha最近重遊舊地，不但見證了「一百億」的誕生過程，還率先試飲了同廠即將推出的新產品。HotCha話︰「新產品味道不變，但就變得高纖低糖，啱晒Keep Fit人士飲！」小妮子們更話要介紹畀身邊的OL朋友飲，齊齊做個健美80後。
舊地重遊，HotCha到了實驗室、生產線等參觀，在專人從旁講解下，看着一支支的活性乳酸菌飲品，由入樽、包裝再到冷藏，勾起不少童年回憶，各人亦因此興奮不已，Winkie謂︰「我記得小學三年級時來過參觀工場，當時有嘢飲又有文具送，好開心所以好難忘。細個時我就好鍾意飲呢種活性乳酸菌飲品，甜甜地又健康，媽咪都好鼓勵我飲。佢有時仲會放喺冰格急凍，味道好好，搞到我成日同細佬爭飲。」
現在長大了，再參觀工場又有何感受呢？Regen表示︰「雖然細個來時好開心，但不少東西都聽唔明，淨係記得這裏很乾淨、很有規模。今次重來，感覺依舊，但終於明白講解內容，好似活性乳酸菌可幫助腸道健康等；加上看到不同產地的不同包裝，猶如上了一堂活性乳酸菌的歷史課一樣。」Crystal更補充說，有得飲又可增進知識，建議大人有空也要來參觀一下。
女孩子都追求健康美麗、身形苗條。HotCha工作繁忙，但也不忘健美的重要性，Winkie愛做瑜伽，Crystal及Regen就愛跑步做機，她們不約而同謂︰「好多女仔為咗減肥就唔食嘢，但其實咁做好唔健康，只要多做運動，再食多些高纖食物就一樣可以Keep Fit！」Winkie更建議若心理上不想吃東西，不如由流質開始，一些高纖低糖的活性乳酸菌飲品就是最佳例子。
香港人生活緊張繁忙，常以快餐果腹，加上長期多肉少菜，久而久之腸胃就會不適，腸內害菌繁衍，影響腸道健康。而缺乏膳食纖維，更容易引發便秘及各種嚴重疾病如腸癌等。為此活性乳酸菌飲品最近加入高纖低糖元素，原先的乳酸桿菌可增強腸臟蠕動、抑制害菌繁殖；新增的膳食纖維則能保持及促進腸內益生菌生長的物質，並能穩定血糖，以及紓緩便秘等問題。
HotCha今次參觀工場，幸運地率先試飲了這款全新的活性乳酸菌飲品，Regen︰「新產品依然與原來一樣咁好味，但就變得高纖低糖，真係飲多多都唔怕，我已經準備大量入貨！」甚具潮流觸覺的Winkie則留意其新包裝︰「由細到大見佢都係紅色蓋掩，依家變成綠色蓋掩加綠色招紙，就好似換咗套新衫一樣，感覺好Refresh！」
資料：客戶提供