相約老朋友S和T吃飯，點菜時我一如過往，問兩位女士有沒有戒吃東西，兩人搖搖頭，S說：「喺大陸做咗3年嘢，你話我有乜唔可以食落肚吖？」對的，除非返內地做皇帝，否則日防夜防，都難防黑心食品突襲五臟廟。
雖然大部分人不至於像北京那名一歲半女童，吃過一塊炸雞便一命嗚呼，但若如報道所說，內地約6成豬肉有問題，那麼按照比例6成人口都受害了，經常出外用膳的S怎能置身事外？
S畢業至今，一直做政府工，對自己的職責，她一清二楚：「如果我只係坐喺辦公室做Document，上頭又何必派我北上3年呢？所以我一有時間，就出外跟人打交道、出街跟人食飯，人哋食乜，我就跟住食。」中學時代，S已經是揚眉女子，在校內搞活動，在校外打辯論，皆有聲有色，歲月一轉又多年，她依然一副剛烈本色，很讚。
做政府工的，自不然談起港府駐東京經濟貿易辦事處女高官逃兵事件。全世界最初以為，做逃兵的必定是身嬌肉貴、行將退休的「一姐」，結果爆冷是年輕大截的「二姐」，假紙沒遞上就做快閃黨，T只能說：「一定係驚得好緊要，直情驚到傻咗。」據說「二姐」是High-flyer（晉升很快者），經此一役，仕途不易了。
我問S有何意見？她說：「消防員見到有大鑊嘢，可唔可以閃人？做政府工的，邊度爆，就邊度接住，呢個係職責。」所以，S真的很讚。
旅遊飲食寫作人