大美督燒嘢食 Honda Freed慳家同行

夏天將至，想三五知己到郊外踏單車、燒嘢食，趁住依家天氣仲算涼快，正係最好時機，唔想山長水遠去離島，不妨諗諗大美督呢個地方。位處於船灣淡水湖旁的大美督燒烤場離市區不遠，附近更有單車出租及放風箏地點，而且有大量泊車錶位，足以消磨一整天。

車身小巧夠便利

要把風箏放上天，技術固然重要，但有風更重要。大美督是放風箏熱點，2公里長的水壩長年當風，很適合放風箏初哥。到郊外玩，拎住一大堆娛樂及燒烤用品搭巴士，對後生仔女問題不大，假如家中有小朋友、長者，有部車始終會方便好多。本田（Honda）最新的小型MPV Freed，不僅有寬敞的車廂，還結合了慳油、實用的特性，加上車身小巧利於穿梭，於鄉郊小路有相當便利性。

中央通道進出易

雖然Freed的車長僅4.215米，但內櫳空間一點也不狹窄，其2+2+3布局及中排Central Walk-through設計，乘客毋須收摺任何座椅便可輕鬆進出後排，十分方便。若要運載大型物件，只要把尾排座椅向左右兩邊摺起便可，別說兩、三袋燒烤炭，就連單車、行李篋以至嬰兒手推車都放得落。另一方面，Freed採用了時下流行的雙趟門設計，車門闊度達600mm，配合同級最低的390mm平直地台，上落車倍感安全容易。

附近環境相當優美，最啱同家人齊齊賞花。	沿途不時見到很多人在踩單車。	後排有不錯的空間，不會頂頭。
A柱底的大面積三角窗，可減少盲點位。	錶板設計清晰易讀，行車資料豐富。

1.5公升使費慳家

大部分MPV都是2公升級以上，牌費、保險都好乸脷，而Freed只配上1.5公升引擎，可慳番唔少使費。不過，細容積引擎並不代表力量不足，其四汽缸i-VTEC引擎可輸出118ps馬力及14.7kgm扭力，力量比不少1.5公升車都高，而且油耗可低至17km/L，有很高的經濟性。此外，廠方刻意收窄了車身兩旁的A柱及延長側窗玻璃，此舉有效減少車頭兩邊的盲點位，使視野更廣闊，配合後車窗頂的輔助鏡，睇位泊車倍感Easy！