童樂聖淘沙海豚森巴舞

「一起森巴舞，撥走不滿，發洩發洩你苦悶……」，草蜢名曲《忘情森巴舞》有誰唔識？不過今次卻只得阿細（蘇志威）獨自出走來到新加坡？查實，阿細是廿四孝老公兼好爸爸，今次是陪「太座」劉小慧與兩個寶貝女Yumi、Ina來玩至真！新加坡適合一家大細玩樂的景點多到數唔晒，好像海豚樂園、環球影城等，阿細都話帶埋家人同海豚Jam番首「海豚森巴舞」至夠Fun，日日都可以係開開心心嘅「兒童節」！

阿細、小慧同兩個囡囡一齊親親海豚，超開心！

海豚玩樂活力Wou Bom Ba

從新加坡市中心前往聖淘沙，只須15分鐘車程，這裏集主題樂園、度假村、自然公園及文化中心於一身，今次蘇家的目標，就是海底世界裏的海豚樂園。小慧說，在香港曾帶囡囡睇過中華白海豚，不過睇得唔摸得，今次有得同海豚戲水，囡囡Yumi同Ina都好期待呢。

海豚一見到大家，就立即游過來Say Hi，好可愛！

海豚樂園中央有個大水池，海豚早已恭候大駕，一見人就立即游出來列隊歡迎。牠們是來自印度太平洋的駝背海豚，即中華白海豚，又名粉紅海豚。大家穿好救生衣後，聽完訓練員的講解，都迫不及待與海豚來個熱身遊戲。大家使用從訓練員那裏學來的簡單手勢，指揮海豚唱歌，超興奮。海豚也真是聰明，牠們竟能咬着畫筆，在你拿着的紙上畫畫，很有藝術天分呢！

熱身過後，「與豚同游」的戲肉終於上演。海豚在大家身邊游來游去，又在頭上跳過，還懂得跟你握手，最窩心的是臨走的Goodbye Kiss，逗得蘇家囡囡們笑聲不絕。在訓練員的指示下，最後更可以扶着牠的背鰭來游水，見Yumi駕輕就熟，她之前說最喜歡游水，果然真的是個游泳高手呢。

海豚樂園

地址：80 Siloso Road, Sentosa, Singapore

電話：（65） 6275 0030

開放時間：9:00am~9:00pm

與海豚同游費用：SG $170（約HK$1,047，已包海底世界入場門票及一件T-shirt），須預約

網址：www.underwaterworld.com.sg

海底世界的水族館佔地2.5公頃，有多達250個品種，約2,500隻海洋生物。	海豚錫錫小慧面珠，這條海豚真係急色鬼愛出位。	學曉手勢就可以輕易指揮海豚游來游去。
海草龍睇落極像海草，好得意。

史力加的「遙遠王國城堡」，設有4-D影院，大家可以同史力加一起探險。

環球影城飛躍到半空

來到聖淘沙，怎能錯過老幼咸宜的新加坡環球影城。影城設有24個遊樂設施，其中有18個更是當地的獨家遊戲，例如：史力加電影中的「遙遠王國城堡」活現在大家眼前，區內更設有4-D影院、驢友鬼馬騷、魔藥旋轉輪，以及專為小朋友而設的小型過山車「噴火龍飛行學校」等，最啱一家大細齊齊玩。

而《荒失失奇兵》世界裏的「朱利安國王沙灘旋轉舞會」，其實是用上戲中角色的旋轉木馬，阿細的么女Ina第一時間嚷着要玩，更攬住角色公仔唔放，廿四孝爸爸和媽咪當然陪伴左右啦！而眾多遊樂設施中，大女Yumi最喜歡「木乃伊復仇記」，覺得過山車高速俯衝又會倒後，超好玩，還有嚇人的是有機械木乃伊戰士突襲，非常刺激！而同場更有另一個全球最高的雙軌過山車，但Yumi則未敢試，笑說等妹妹大個先一齊玩。

新加坡環球影城

營業時間：星期一至五9:00am~7:00pm 星期六、日及公眾假期9:00am~8:00pm

門票：1日票

星期一至五：成人SG$66（約HK$366），小童SG$48（約HK$266）

星期六、日及特別日子：成人SG$72（約HK$399），小童SG$52（約HK$288）

網址：www.rwsentosa.com

朱利安國王沙灘旋轉舞會，一家大細都可以坐。	全球最高的相連式過山車，齋睇都夠晒刺激。	影城內有很多有趣的手信，包括這個恐龍水壺。
企鵝特攻隊大受小朋友歡迎，蘇家亦齊齊來拍照。	同朱利安國王影相，Ina開心到舉起V字手勢。	街上不時有表演，今次遇上美女侍應跳舞娛樂大家。