Nissan Serena Highway Star清水灣鳶一番

不經不覺已踏入春季，冬天日日匿埋喺被窩，踢都唔願起床的日子終於過去。早幾日趁着天氣回暖，向日產（Nissan）借來全新一代的Serena Highway Star，去清水灣郊野公園行吓、吸吓新鮮空氣。可能係平日關係，園內遊客十隻手指都數得晒，基本上可獨佔整個燒烤場、研習徑及放紙鳶場地，要幾Free、有幾Free！

售價：$293,719

清風送爽又好行

清水灣郊野公園位於新界東南部，遊客可沿清水灣道驅車前往大坑墩，該處設有二十多個免費停車位，郊野公園入口就在旁邊。園內行人路平坦易行，部分路面更鋪設了石屎，大人小朋友都啱行。清水灣常有強勁清風，是放紙鳶的理想地點，今趟帶了兩隻紙鳶去玩，不用1分鐘已成功升空，初學者也不難掌握。可惜，一行人的放鳶技術實在太差勁，兩隻紙鳶在5分鐘內，先後因操控失誤撞樹墜毀，幸好小食亭有紙鳶賣，唔使玩幾分鐘就返屋企。

節能錫住環境

去郊野公園無非都係想吸吓新鮮空氣，如果部車又嘈、又多黑煙，勸你都係唔好去破壞郊區的清新環境。新一代的Serena，糅合了多項環保技術，當中的智能停車熄匙系統（Idling Stop System）是重要一環，當車子停定時，引擎會自動熄火，以減低無謂的油耗，配合高效直噴引擎及Xtronic CVT無段變速波箱，平均油耗可低至15.4km/L（根據日本10.15模式），計落都唔使$1.1/km。同時，新一代Serena為認可環保汽油私家車，獲30%首次登記稅寬減。

中排座椅間設有中央通道，後排乘客可輕鬆進出。

放大圖片

One Touch夠方便

又野餐、又放紙鳶，隨身物品一定唔會少。不過，Serena的車主不用愁，因其車廂長度較上代增加了300mm，加上座椅鋪排靈活多變，即使如滑水板、單車等大型物件也足以放下，配合車尾地台底的儲物格，實用性甚高。另外，全新Serena還加入了「One Touch」一觸式自動雙電趟門設計，只要輕輕按動門把上的按鍵，便可啟動自動開閂功能，整個過程毫不費力，也大大減低指甲弄花車身的機會。加稅後，Serena Highway Star的售價仍不過$30萬，對於家庭用家有不俗的吸引力。

園內設有樹木研習徑，沿路種植了不同種類的樹木。	三排座椅也有冷氣送風口，照顧到每位乘客。	車窗設有遮光簾，同時可增加私隱度。
裝配了無匙系統，啟動引擎更加方便。	車廂設計簡約，營造出和諧感覺。