HTC Incredible S 柏豪密密關注

新機採用新版本的HTC Sense，Friend Stream特別新增「新浪微博」，可以於Widget上即時關注朋友；再加上內置800萬像素鏡頭。

喜歡拍照的柏豪更可以邊影靚相邊分享，仲可以隨時監察有冇情敵搞搞震，一舉兩得！

預載新浪微博App，網頁版的大部分功能都齊全，以後就可以喺手機發文。

連同facebook、Plurk、Twitter，想知道中外明星動向都冇問題！

微博隨身 關注冇難度

近年名人、明星紛紛開通微博，成為中港台大熱的社交網絡。Friend Stream作為HTC手機的招牌功能，新版本更支援「新浪微博」，加上原有的facebook、Twitter、Plurk等社交網絡，一個Widget將不同帳戶的朋友整合起來，可以隨時留意朋友的即時狀況，更可以簡短發表新微博，連App都唔使開，非常方便！如果想將圖片上載到微博的話，大可以使用Incredible S預載的新浪微博App，更改個人資料、睇私人訊息都可以一一做到，最適合關心娛圈大事的朋友！

SIM卡、記憶卡都要拆機背殼先換到，略嫌不便。	機前備有4個輕觸式功能鍵，而且更會隨手機的方向而轉變位置，十分智能。	內置Flash Player 10.1，可以完全讀取網頁中的短片。

立體機背好手感

自從經典的Diamond系列之後，不少朋友都投訴HTC的新機設計欠缺新意，部部似倒模，Incredible S就完全推翻舊有機款的設計。驟眼看，備有4吋大芒、超薄邊框的設計與同門Desire HD有8成相似，但其實是背藏玄機。機背採用獨特的立體設計，部分位置明顯凸出，不過拎上手卻沒有預期中的頂手、突兀；再加上採用磨沙面的物料，具有防跣手的作用之餘，亦有效減低手指模對外觀的影響，手感異常地好。

支援DLNA技術，可以透過Wi-Fi將影像輸出至電視機，與朋友一同分享。	室內低光下使用內置閃光燈，火力十足而且沒有曝光問題，雜訊亦可接受，成像不俗。	試播HQ的《Thor》，屏幕解像度不俗，而且SRS WOW HD的音效配合之下，睇片一流。

難怪連打開籃球、大大隻的柏豪都可以輕鬆抓緊手機，適合手掌大的男士們。而且因為新機主要採用塑膠物料，就算4吋機身亦只有135.5g，重量與iPhone 4相約，毫不墜手。

機背備有800萬像素鏡頭，而且更有雙LED閃燈，拍攝功能齊備。

換上4吋的Super LCD屏幕，比Desire HD的屏幕更加鮮艷。

影像升級 動靜皆宜

柏豪平常最愛攝影，不過單鏡反光相機太笨重，用來Snapshots就不夠方便。Incredible S特別內置800萬像素鏡頭，同時支援自動對焦及篤芒對焦，用來簡單拍攝生活照絕對冇問題。再加上備有雙LED燈，就算低光的情況下仍然可以補足光影靚相。最重要是支援720p高清拍攝，1GHz處理器之下拍攝完全零窒格，而且更可以於4吋的Super LCD靚芒下即時重溫，夠晒享受！如果嫌手機芒太小的話，大可以透過DLNA技術直接將影片、相片以至音樂以Wi-Fi傳送到電視機，不用Cable就可以與朋友分享拍攝成果。

規格表

制式：GSM四頻、WCDMA

屏幕：4吋WVGA Super LCD、480 × 800解像度

記憶體：內置1.1GB，768MB RAM，支援microSD記憶卡

鏡頭：800萬像素自動對焦連雙LED閃光燈、

　　　　　前置130萬像素、支援720p拍攝

介面：14.4Mbps HSDPA、Wi-Fi 802.11b/g/n、藍芽2.1

通話時間：580分鐘（2G）、380分鐘（3G）

備用時間：290小時（2G）、370小時（3G）

作業系統：Android 2.2

體積：120 × 64 × 11.7mm

重量：135.5g

撰文：林子聰　攝影：陳志滔

查詢電話：3520 1234