低等生活：101層樓吃中菜

乘搭升降機，登上西九龍那座天咁高的摩天大樓，抵達第101樓層，雙耳被氣壓弄至閉塞，像搭飛機，要打呵欠重新開通。步出升降機，手提電話即告「又聾又啞」。公關說：「你用邊個台？」我答：「PXXW。」我已知道理虧了。公關補充：「咪係，你知唔知呢度邊個地頭？」

101樓層的食肆，雖不至於舉世期待，也可說是廣受矚目。率先打開大門做生意的，是電視界紅爆名廚「阿旗」。到訪當日，他一邊打點菜式，一邊招呼大款來賓，一邊在有限時間內跟我做訪問，他坦言：「菜館現在屬試業階段，一切尚未作實，待日後運作成熟，才與整座大樓一齊做Grand Opening。」

這中菜館的路線，好高檔──應該說是非常非常高檔。瞄瞄點心餐牌，白兔餃每隻$80（對的，是一隻，不是一籠），因為全以阿拉斯加鮮蟹肉做餡料，入口啖啖肉；烤牛肉包每隻$60，因為以A5和牛作餡料。雖然造訪當日，廚師以黑椒汁混牛肉，肉味全被遮蓋，但都說是試業階段，一經改良又會有另一番滋味；燒味部分，竟然有蜜汁燒廿八頭禾麻鮑，盛惠$890，對富豪來說，區區廿八頭只夠「攝牙罅」。經此一店，相信香港中菜的價錢，會進一步挑戰極限。