War Game×IPSC射擊　洪天明：型得安全！

資料：客戶提供

Full Gear上陣

洪天明給人的印象一向精力旺盛，原來除了打拳及踢足球外，天明還對氣槍很有研究，不時會約埋三五知己打War Game，高峰時期更試過一星期打三、四日，他說：「其實我好耐以前已經有玩氣槍，不過真正沉迷都係近呢一兩年，開始時我都好似普遍新玩家咁，打唔打得叻還是其次，最緊要『型』。而啲Gear就開始愈買愈多，好似Protection嘅衫如飛虎裝、數碼迷彩裝等，買親都成套，咁先至型！我仲同朋友試過喺『槍街』由早行到晚，食完飯又行過，真係好似返工咁。」

安全做到足

天明說到他第一支氣槍更雀躍。「我第一支買嘅氣槍係好多部隊用緊嘅Glock17，拍警匪片都成日揸佢，之後玩耐咗就買咗支MARUI HI-CAPA，之後仲買埋衝鋒槍同長槍款嘅氣槍，不過我哋唔會將啲氣槍改得太勁，同朋友玩費事打到傷晒。」

天明在訪問中屢次提到安全第一，原來他曾試過射傷一名外籍玩家，他說：「雖然話唔好對頭射，但有時係自然反應，佢一伸個頭出嚟就射到佢，但佢又冇戴保護面罩，結果射到佢個鼻流晒血，所以一定要戴齊保護裝備先好玩！」談到給新氣槍玩家的建議，天明表示任何情況下都要以安全行先，而第一支氣槍則不用買太貴，可以熟習玩法後才向高階進發。

IPSC鍛煉技巧

已有20年玩氣槍及電動槍經驗的Clarence Lai（阿翔）曾擔任警匪電影的槍械顧問，對設計及改裝槍械零件相當熟悉，而現在於世界各地都熱爆的IPSC（實用射擊）也是他從日本引進香港，稱他為「槍械達人」實不為過。阿翔表示，香港玩家於IPSC的成績也算是世界上首屈一指：「其實IPSC同War Game係完全兩回事，IPSC要喺最安全、最快、最準嘅情況下擊倒所有靶，完全取決於個人技術；至於War Game係較團體嘅運動，入面有好多戰爭技巧，同埋可以滿足到好多男性嘅爭勝心。」阿翔希望可以逐步糾正巿民對「打氣槍是一種不好的玩意」概念。

槍械達人推介　

對於新進玩家，阿翔介紹了幾款槍械：「新玩嘅可以試吓日本牌子MARUI，因為佢哋嘅槍械設計較為穩定，而且好多After Market嘅零件較易買到，其中HI-CAPA更係大熱之選；至於電動長槍中，最Top係SYSTEMA嘅M16款，準繩度高；而氣動嘅香港牌子AIRSOFT、G&P，以及台灣牌子KJ、WE都係平靚正之選！至於零件方面，新進外國牌子DARK INDUSTRIES有很多特別Parts，值得推介。」