情人App雙手互觸搵Mr. Right

撰文：林子聰

合拍類《Love Touch Free》觸出愛花火

想喺情人節知道對方心意？一定要捉佢玩《Love Touch Free》。只要雙方同時對住屏幕一篤，就會有兩大粉紅心心幫你測出愛情指數（Love Point），係朋友定情人，一試就知。雖然測試結果隨機兼冇根據，不過對於曖昧的忐忑男女，可以用來試探對方心意，一試無妨！

售價：免費

《Finger Mingle Valentine's Edition》合拍心心

情侶之間要互相包容體諒，溝通自然最重要，《Finger Mingle Valentine's Edition》就可試出雙方的合拍程度。皆因遊戲必須2人進行，將分成兩半的心形圖案拉到目的地，最難是要兩人同時離開起點和到達終點，極考男女之間的合作性。

售價：免費

玩相類 《P.F. Love》繽紛情人照

情人節當然要合照留念，女士們喜愛於相片加入特色圖案，玩《P.F. Love》就啱晒！新App提供大量畫框、圖案畀你加入相片內，而且採用卡通風格，效果可愛繽紛。男士們記得預先自製靚相送畀女友啦！

售價：免費

《Love and Valentine's Day Frames》舊相新框

不少人鍾意Upload靚相上facebook，《Love and Valentine's Day Frames》就為情人節推出多款特色合照相框，用來製作溫馨合照就最適合不過，軟件還支援facebook取圖，舊合照都可以從facebook下載回來加上新相框，女友實讚！

售價：US$0.99（折約港幣$7.7）

遊戲類《Be My Valentine》愛神出擊

愛神邱比特的神話相信不少人都聽過，今次愛神更化身為遊戲主角，在天空邊飛邊將紅心射下來，愈射得多心心就愈高分。飛行途中亦會遇到不同障礙物如黑雲、碎心等，謹記小心避開！

售價：免費

《High School Valentine》頑皮學生

很多學生中學已經拍拖，《High School Valentine》絕對可以反映到現況。遊戲場景設於學校，男女主角要趁老師講課時偷偷接吻，接吻的次數愈多愈長就愈高分。旁邊的同學還會不時幫你歡呼吶喊呢！

售價：免費