準確：廣東話，是一個字──中。借PIP劇團的女演員蝦頭在她的私房戲《熟女日記》的一句對白：「做人嘅嘢，最緊要係吓吓中！」
在這個只求金句，只愛快感，只希望聽完一些說話，就覺得他「講得好中呀！」的社會，《婚前試愛》這類型的電影，才會大收旺場。小心啊，看倌，我不是說這套電影拍得好抑或不好，我只在說，在這一個大家都在失語，大家都在找代言人的世界，人（尤其是年輕人）只愛看圖像而不愛看字，才會出現「金句愛的教育」的狀況。
「愛情和ＸＸ一樣」的比喻，其實我可以隨手寫出很多。在葉念琛「愛字系」的電影中，有「愛情同踢波一樣，都有分正選同後備……其實我哋大家只可以當大家係後備，冇可能係正選。就係大家都當大家係後備，好多嘢得過且過，如果真係拍拖嘅話，咩缺點都會見到晒，大家未必頂得順。」最近這一套，就有「愛情就好似睇人賭錢咁，係，你喺個賭枱度望吓望吓，係唔會輸錢o架，不過你啲錢都唔會多咗o架噃」。我也可以告訴你，「愛情有時候就好像麥Ｘ勞加大餐咁，加少少錢就可以得到多多，仲可以買多個希望，等你以為自己可以中三十幾萬添。不過食唔食得晒？就睇你自己啦」、「愛情就好似扶手電梯咁，最緊要捉得緊，佢就自己會郁，走唔走得到最後？就睇吓你造化囉！」、「愛情就好似調味料咁，多就會太膩，少了對身體不會有影響，只是你會覺得口淡淡，想食鹹濕嘢」、「愛情就像乘數，只要一個係零，就點乘都係零」……
再要嗎？要多少有多少。只是，你真的以為你看了這些「愛情是甚麼」的造句，覺得很「中」了，得到心靈上的高潮了，哪然後呢？
讀\說書人