Toyota Prado遊山頂 大地盡收眼底

太平山頂乜都有

無論你係一個人、三五知己定係一家大細去遊玩，港島區山頂道一帶都非常適合。在太平山頂附近，有多條沿山而建的道路，旁邊種滿樹木，另一旁則可眺望維港及薄扶林郊野公園景色；附近一帶有多個咪錶泊車點及時租停車場，需要醫肚的話大可以到山頂廣場，食店時裝店一應俱全，玩樂之後約朋友到銅鑼灣食飯？二十分鐘就到，實在非常方便。

On/Off-Road同樣醒

有好嘅地點，挑選合適車款亦好重要。今日主角係豐田（Toyota）全新Prado，配上全新4公升V6引擎，最大馬力輸出275ps，加上四輪驅動，無論係On或Off-Road行駛都非常適合。車廂方面，Prado屬七座位設計，尾排座椅空間寬敞，成年人坐進去亦不覺逼狹。操控方面，配有定速蠕行系統（Crawl Control）及路面狀況選擇系統（Multi-Terrain Select）提供4種不同設定，以配合Off-Road駕駛。

車身雖然長達4,760mm，但操控亦十分容易。	Prado門邊腳踏鑲嵌於底盤上，可負荷成年人的重量。	四驅或差速鎖按鈕就在中控台，使用方便。
大天窗是標準設備，打開後令開揚感大增。	七座位設計，空間寬敞，成年人坐後排亦感覺舒適。

窄彎請留神

山頂道屬雙程路，路面狹窄且彎多，同時有雙層巴士行走，所以駕車時要留意車身，遇有大車時視線要望遠處，適當時候要「偷位」靠近行人路，以避過大型車輛。

山頂公園 柯士甸山道山頂公園內，地面設有大大個坐標，要欣賞南丫島、長洲及九龍半島風景，按坐標指示就可以輕易找到。	司徒拔道段 位於甘道的警隊博物館，停下來參觀一下亦不錯。	山頂有多條道路供遊人使用，其中夏力道及盧吉道圍繞太平山，走一圈約一小時，沿途可欣賞維港、九龍及薄扶林風景。
山頂廣場 山頂廣場內有食肆、洗手間及商店，行到攰可以入去醫肚及休息。

推介泊車位

山頂廣場

星期日收費：$30/小時

泊車優惠請向客戶服務部查詢

山頂道近賓吉道咪錶位

柯士甸山道山頂公園外咪錶位

星期日收費時間：10:00am~10:00pm

星期日收費時間：10:00am~10:00pm

太平山自駕遊路線推介

從金鐘出發 紅棉路 馬己仙峽道 山頂道（山頂廣場）

從灣仔出發 司徒拔道 山頂道（山頂廣場）

規格表

車型：七座位越野車

引擎：V6

容積：3,956c.c.

最大馬力：275ps/5,600rpm

最大扭力：38.8kgm/4,400rpm

驅動：前置引擎、四輪驅動

傳動：五前速自動波

車身體積：4,760×1,885×1,930mm（長×闊×高）

撰文：林健森

攝影：黎劍華

查詢電話：2305 4555（皇冠汽車）

模特兒：Monki（Inspire）