數聖誕節的代表食物，應該非火雞莫屬，但煮法離不開烤焗，年年如是都幾悶。香港人最鍾意食日本菜，不如來一次日式火雞大餐啦！
主打鐵板燒的餐廳八重菊，就「首創火雞和食」賀聖誕，大廚波師傅針對火雞不同部位，以西京、吉列、唐揚、免治、漢堡方法炮製，變成5款和食，包括鐵板火雞漢寶扒、吉列一口火雞及火雞雞肉棒等，有創意又好味，終於唔使食「鞋」口雞肉啦！
日式火雞唐揚 $160
八重菊以火雞炮製和食，其中日式火雞唐揚炸得香口爆汁，創意十足！
撰文：楊淑英
查詢電話：2328 9123