西九龍文娛藝術區一直唔上唔落Chok住Chok住（都是一個Chok樣），位於西九龍的「XYZ」酒店首當其衝，不算壯烈犧牲，也算捱打狀態。以有型有款夠In夠時尚為酒店風格的「XYZ」，每次在世界各地插旗，都惹起傳媒吹捧、遊客愛戴，好像永無失手，今次卻幾損手。行內人說，外地旅客並不太熱衷，使酒店有房價卻交不出入住率，要入住率就做不起房價。此外，客觀條件一直未能配合，文娛藝術區固然只聞樓梯嘈嘈閉，相連的大型商場又不爭氣，區內豪宅住客亦未夠Support。稍後同區另一五星酒店開幕，真係殺到埋身。
「XYZ」的食肆，一直欠缺本地食客緣。咖啡室「灶頭」還可以，因為要為住客提供早、午、晚三餐，又會做自助餐，生意不至於太淒涼。主要做Fine Dining的西餐廳「火辣辣」卻非常慘情。我去過幾次，午餐只有三四枱客，怎料低處未算低，晚餐僅有一兩枱客，淡靜之程度，令你以為沙士再襲港、恒指跌到800點。我諗，大老闆真係火都嚟。
好了，終於壯士斷臂，近日將「火辣辣」結束，變成中菜廳「星野宴子」，開業不久生意立即反彈，上星期去吃午飯，驟眼看達8成入座率，比以前大有改善，而且全部本地客。看來，做酒店固然要玩新意逗逗外地客，亦不能太Alienate本地消費者，餐廳的米飯班主還是地道港人。
「星野宴子」尚未做出風格，且給她一點時間。
旅遊飲食寫作人