0.1秒追焦 GH2一篤到位

唔理DC拍片係咪實用，總之人有我有，令到高低階、大細機都加入拍片功能。不過拍到片唔代表拍得叻，有啲設時間限制、有啲對焦太慢、有啲微粒勁粗。全新嘅Panasonic Lumix DMC-GH2絕冇以上問題，植入全球最快0.1秒自動對焦及篤芒操作，並加入24Mbps影片Bitrate及快慢鏡拍攝，拍得住專業DV級數。

為方便短片拍攝用家，特地引入鏡頭變焦撥桿DMW-ZL1，售價$200。

短片快慢隨意

GH系列向來定位為高階Micro 4/3機種，今次特別為拍片選用Venus Engine FHD影像處理器，支援1,920×1,080 50i影片外，Bitrate更達AVCHD格式最高的24Mbps，就算拍攝動作快速的追逐場面，亦不會出現爆格的情況。

最吸引是新機追加「可轉換影片模式」，拍片時讓玩家隨意改變Frame Rate為80%、200%和300%等不同速度，營造出快慢鏡創意效果。還可因應拍片環境，將鏡頭焦距提升2.6倍，以套裝14~140mm鏡頭為例，最遠便可變成728mm長炮。

售價：$8,380（淨機）$9,380（14~42mm鏡頭套裝）$12,990（14~140mm鏡頭套裝）	放大圖片	選用1,200mAh全新電池，體積和電容量比早前G2小一點。
內置簡易的短片編輯功能，如加入片名和水印等。	「可轉換影片模式」支援快慢鏡拍攝，令影片更添變化。

5fps篤芒連拍

GH2採用3吋篤芒46萬像素輕觸式屏幕，用家一篤「Q.Menu」即可調校拍攝設定，更可篤芒當快門影靚相。為了強化新機觸控效能，GH2將對焦更新率由60fps提升至120fps，令最快對焦速度達0.1秒，配合機械快門每秒5張連拍，想影遠近任何位置都可一篤準確到位，讓用家輕鬆捕捉動人一刻。若嫌唔夠喉的話，更可轉用電子超高速快門，連拍多達40張400萬像素相片，但由於不支援自動對焦，建議將拍攝範圍收細，免得Focus錯隔離。

3吋輕觸式扭芒，一篤即時對焦。

轉盤上新增了3個用家自訂模式，隨時可設定拍攝風格。

機背十字按鈕的快捷鍵加入「Fn」自訂功能，操控更靈活。

提升降噪畫質

出生於追求畫質的年代，GH2當然亦有對策，選用1,605萬像素Live MOS感光元件，並加入數碼vMaicovion傳感器，令資料可高速處理之餘，更將訊噪比提升3dB及200%感光度，藉此提升GH2畫質，最高感光度更由早前G2的ISO 6,400提升至ISO 12,800，配合NR降噪功能，小記試過使用ISO 3,200拍攝，亦能保持良好的細緻度和色彩。

駁上HDMI插頭後，便可將高清片輸出至電視。	ISO達12,800，雜訊控制比上代出色。	機頂左上方為對焦模式轉盤，夠晒就手。
強化配件一覽為方便短片拍攝用家，特地引入鏡頭變焦撥桿DMW-ZL1，售價$200。	12.5mm的3D鏡頭，售價$2,500有交易，支援G2、GH2及將推出的GF2。