相約沙巴茶室 周中師傅：想見你一麵！
早起的雀仔有蟲食，早起的人梗係有好嘢食啦！跟住名廚周中師傅遊沙巴，已經將不少特色美食「掃」進腹中，今次，師傅要轉戰早餐。我們專程到亞庇市市中心地標Centre Point商場後面的新蘇蘭區（Sinsuran），那裏很像香港舊式公共屋邨，除了視覺上有時光倒流的感覺，就連味道也回歸古早。區內有多間老字號茶室，在懷舊裝修的襯托下，販賣着充滿南洋風味的麵食，大大碗勁抵食，教一眾麵癡吃得痛快滿足。
鮮甜美味古晉叻沙
沙巴傳統南洋風味美食，是周中師傅的「飛佛」。所謂南洋風味，係當年移居到東南亞的華人，利用當地食材炮製家鄉食品變奏得來的，加上沙巴不像香港人般貪新鮮，所以，傳統味道就一代一代流傳下來了。
順泉茶室主打古晉叻沙，它跟辣味十足的泰國叻沙不同，湯底入口傳來陣陣甜味，關鍵是以椰奶代替咖喱來調味，再加上香茅及青色金桔等材料，將湯底的鮮香惹味全部「谷」晒出來。叻沙餸料除了雞肉絲、豆卜及豆芽等，更採用即捕的鮮蝦入饌，帶出非一般的鮮甜層次；客人可選麵條或米粉，配上一杯拉茶同吃，可謂食得相當滿足。師傅仲話：「呢款叻沙滿足咗當地人鍾意食濃味的習慣，亦啱香港人唔太食得辣的口味。」
順泉茶室
地址：沙巴市區Centre Point商場後方（於Sinsuran 3街）
濃油黑醬生肉麵
香港人注重健康，菜式口味偏向清淡，但馬拉人啱啱相反，偏愛濃郁口味。生肉粉就係最佳示範。主打傳統生肉粉的金興利茶室，單看字面「生肉粉」會讓人產生生肉刺身的聯想，實情生肉粉就是豬肉粉，有放湯及乾撈兩款，當地人幾乎清一色愛吃乾撈，在麵條加入濃稠的黑豉油、葱頭油拌勻，陣陣油香夾雜着鹹中帶微甜的豉油味，真係好好味喎！怪不得，人人都將健康飲食暫時放低，試問誰敵得過生肉粉的美味？你第一次可能食不慣它那種油膩感，不用怕，店家隨麵附送豬雜湯，讓你清清味蕾。
金興利茶室
地址：Blk F, Lot 7, Sinsuran Complex, Kota Kinabalu
麵食孖寶湯炒麵
新蘇蘭區內另一人氣早餐店，就係成興茶餐室。招牌美食係一湯一炒兩款截然不同的麵食。喜愛刺激的食客，多數會「柯打」冬炎麵——湯底類似由大量海鮮熬製的冬蔭功，雖然辣度遠較泰國的低，但周師傅呷咗一啖湯，即讚：「湯底加入咗花生醬同煮，口感好香滑。」加上大堆頭嘅海鮮配料，蝦肉尤其鮮甜，教人再三回味。若你追求香口就不能錯過炒麵。店家會將麵條、蔬菜、肉片、海鮮等大火快炒，最後澆上茨汁及蛋漿，周師傅說此舉令麵身倍添香口，有不一樣的風味。
成興茶室
地址：Sinsuran 2 Jalan Tun Fuad Stephens,Kota Kinabalu
遨遊備忘
簽證：持BNO及特區護照均免簽證
旅行團：永安沙巴5天團，暢遊沙巴市內觀光熱點及前往Sapi島1日遊，團費每位$4,199起。
查詢：2928 8882
貨幣：RM1約兌HK$2.5
天氣：12月氣溫約23℃~30℃
特派記者：張超駿
鳴謝：永安旅遊、沙巴旅遊局、馬來西亞航空、Sensational Holidays（Borneo）Sdn. Bhd.、Novotel Kota Kinabalu One Borneo
模特兒：Eagle Lo@zmodel