LG Optimus 7手機直上交叉盒！

依家最多人玩嘅手提「遊戲機」，既非NDS亦唔係PSP，而係iPhone，地鐵車廂幾乎人人喺度「憤怒鳥」，咁鬼受歡迎，難怪其他廠商都憤怒了！眼見手機遊戲化係大勢所趨，Microsoft索性為新智能系統Windows Phone 7（WP7）加入Xbox Live支援能力。日前首部作品LG Optimus 7正式推出，打機之餘仲改到Avatars分身，加埋50款遊戲力撐，遊戲迷係時候換機啦！

售價︰$4,980

50 Games力撐

Microsoft今年5月推出新智能手機Kin，結果閃電失敗收場，今次推出WP7，分析員都指係Microsoft搶回市場嘅最後機會。既為背水一戰，自然出盡全力，最大絕招係兼容Xbox Live，例如Optimus 7就內置咗個Games Hub遊戲中心，用戶經此就能打機、查積分、修改Avatars分身及觀看在線朋友狀態。目前已有50款遊戲上架，當中包括人氣作品《The Sims 3》及《UNO HD》等，全部有得試玩，覺得好玩仲可以經信用卡「科水」直購完全版。據知EA等大廠會陸續加入，加埋交叉盒本身龐大遊戲庫，實行同iPhone死過！

機身直擊<BR>WP7將手機按鍵簡化為3個，由左至右分別係返回、主頁及搜尋，最後者預設係開Bing搜尋器，但去到Marketplace就用嚟搵Apps，用途多變。

機身直擊
WP7將手機按鍵簡化為3個，由左至右分別係返回、主頁及搜尋，最後者預設係開Bing搜尋器，但去到Marketplace就用嚟搵Apps，用途多變。

採用金屬電池蓋，形象更Pro。上方鏡頭則有齊LED閃光燈同自拍鏡，配套齊全。

鋰電池有1,500mAh容積，足夠講6粒鐘。惟留意機身不設microSD卡槽，所以容量冇得擴充。

鋰電池有1,500mAh容積，足夠講6粒鐘。惟留意機身不設microSD卡槽，所以容量冇得擴充。

介面變磚頭

雖然有遊戲力撐，但若系統仲好似WM 6.5咁鬼難用，就一樣神仙難救。所以WP 7另一項改善係將介面大執過，首頁Today由以往嘅橫排顯示，變成一舊舊四方形磚頭。官方叫佢哋做Live Tiles即時方塊，各代表撥號、SMS及People Hub等「分唇」，用戶既可自由增減或排列，亦可改變底色，望落靚咗唔少，操作亦變得簡單明快。不過缺點係方塊面積冇得更改，每版最多只能顯示8塊，因此數量一多時首頁就變到水蛇春咁長，要狂捽先落到最底，始終未夠人性化。

《BowlingXX》係WP7獨家遊戲，晃動機身就能掟出保齡球，玩法唔算新穎，但介面幾靚。

《BowlingXX》係WP7獨家遊戲，晃動機身就能掟出保齡球，玩法唔算新穎，但介面幾靚。

首頁變成8塊Live Tiles磚頭，按實圖示仲可以移動位置，概念同iPhone差唔多。

首頁變成8塊Live Tiles磚頭，按實圖示仲可以移動位置，概念同iPhone差唔多。

超強硬件搭夠

同以往唔同，今次WP7變成封閉系統，冇得藍芽傳File之餘，手機開發商亦唔可以修改公版設計，所以要提升競爭力，就要從硬件着手。這方面Optimus 7絕對合格，先唔計1GHz處理器搭16GB記憶體媲美電腦咁快，500萬像素鏡頭仲拍到720p高清片同360度全景相；加埋7.2Mbps HSDPA及802.11n無線制式，規格極齊！另外，介面就話唔改得，程式冇話唔可以加，Optimus 7就加入了LG獨家Scan Search功能，用鏡頭掃一掃前方景物就能搵到附近興趣點，睇啱食肆仲可以直接Book位，勁方便！