安全駕駛零件咪亂換

好多人買咗車之後，都想幫部車更換Parts，以求換取更高性能！或者你會以為，有多餘錢為愛驅「裝身」好正常，之不過千祈唔好忘記改車需要面對嘅後果，除咗法律責任之外，另一個重點係更換咗不合適嘅組件，都會減低行車安全性及舒適性。

超硬避震攞苦嚟辛

有啲車迷崇拜賽車專用嘅高硬度避震，認為喺入彎時更加穩定，出彎更準確。要知道香港好多街道都係凹凸不平，若然用上呢種硬度極高嘅避震，由於未能紓緩震盪，不但令屁股受罪，更會導致行車時容易跳起甚至輪胎離地，失去抓着力，增加失控風險。此外，有啲人鍾意將車身降得極低，睇落以為好有型，但會失去抗傾側能力，同樣增加行車危險性。

如果有需要換避震，建議大家搵原廠幫忙，請合資格技術員根據車輛出廠年份、車重、性能等等，選擇最合適避震組件，咁就Fit晒你部車啦！

換大鮑魚要啱Size

想提升行車安全性，制動係極重要一環。不過，要更換大型制動卡鉗（俗稱大鮑魚），首先要注意輪圈與卡鉗嘅距離。部分大型制動卡鉗與原裝嘅尺碼不同，若然輪圈嘅深度不足，轉動時會卡住。前後輪最好裝上同一款卡鉗或者卡鉗套裝，如果只為前輪或後輪更換，會令前後制動力不平均。如只為前輪改裝嘅話，當緊急煞車時，由於前輪制動力過大，對操控或會造成影響，而且迫力皮未必啱大細，變相失去制動力，認真危險。

返原廠選購配件，質素當然有保證啦！	換大鮑魚時，記得Check清楚是否啱Size。	Impreza WRX STI裝咗頭唇之後，車頭變得更有霸氣。$4,253（包安裝費）
原裝與加裝咗氣喉裝飾之後的分別。	放大圖片

亂加Bar數更難操控

Turbo車馬力強大，原廠設定都足以應付香港任何路段，不過部分車迷希望將馬力進一步提升，於是亂咁加大Bar數，呢個做法對人對車都毫無着數。馬力暴增之後，引擎承受嘅壓力同樣增加，若然Tune得唔好，隨時踩冧副偈。最重要係駕駛者未必一下子就能夠適應，技術稍為差啲，真係好易會出事，唔改好過改啦！

專家教路：原廠配件啱Setting

意美汽車維修顧問劉育仁表示，原廠配件喺研發時都經過品質測試，保證合乎每一款Subaru汽車嘅規格及Setting，亦可以得到原廠保養，透過資深技師協助之下，車主為愛驅更換零件時就更輕鬆。此外，部分原裝車款已經好齊料，就以擁有300匹馬力嘅Subaru Impreza WRX STI A-Line為例，原裝已有齊水平對向渦輪增壓引擎、加減自動波箱、雙出四管排氣喉，仲有STI原廠包圍、STI專用高身桶椅、18吋鋁合金輪圈等。原廠配件則有頂Bar、彈簧、頭唇、氣喉裝飾等，型仔又夠實力！

意美汽車維修顧問劉育仁	Subaru Impreza WRX STI A-Line原廠配件 STI風隔 $1,302 （未包安裝費）	STI水箱蓋 $368 （未包安裝費）
STI油隔 $286 （未包安裝費）	可調校頂巴 $2,951（包安裝費）	彈弓 $5,227（包安裝費）