秋遊BBQ Tiida最逍遙

秋天來個燒烤日，雞翼、香腸、牛扒想起都流口水。但係要知道，秋高氣爽加上星期天，多數人都進行戶外活動，無論係踩單車定放風箏都好，總是人山人海，BBQ就肯定會出現「等爐」情況，所以最好事前計劃定地點，大清早前往目的地，咁就唔使同人爭餐飽。今日我哋就揸車去大美督，度過開心BBQ星期天。

售價：$163,800

大空間任你用

去BBQ要睇人腳，搵班啱玩嘅老友記，一邊燒雞翼一邊玩，夠開心！除此之外，最好當然係揸車去玩，點解？因為BBQ總係一袋二袋，將食物、炭等用品放晒入尾箱就乾手淨腳。今日，Nissan Tiida Green Sporthatch車主Davis兩公婆，就約埋班Friend，晨咁早去大埔大美督BBQ，因為Tiida車廂夠大又舒適，坐滿五人都相當寬敞。至於揭背大尾箱仲實用，若果需要放置大量物品，只要摺合尾排座椅，就可以騰出近463公升容量。

又大力又細食

郊遊BBQ，仲可以順道遊車河，吸吸新鮮空氣，一樂也。Tiida性能相當出色，配上一台1.5公升引擎，馬力最大可達109匹，起步同加速都十分好力，就算Full Loading都冇問題，加上XTRONIC CVT波箱，運作順暢又寧靜。最重要係根據日本廠方10.15耗油測試，Tiida綜合耗油量僅為20km/L，以截稿前油價計算，即約為$0.73一公里，咁慳油，揸住佢去勻港、九、新界都唔肉赤。

車身一覽 Tiida尾箱的標準容量為289公升，足可放置多件行李。	車身長度達到4,250mm，造出更寬敞的車廂空間。	後座空間寬敞，三人同坐亦不覺逼狹。
車廂布局以簡約為主，但勝在實用。	Tiida推出已有一段日子，其寬敞的空間已成為坊間認同的優點。	BBQ我來也揭背設計拿取物品更方便；尾箱容量夠彈性，足以將燒烤包、汽水盡收納。
早起有位泊晨早出發其中一個好處是容易找到車位。Tiida分屬環保汽油私家車，既幫車主慳錢，低排放亦同郊區特別夾！	新場待發掘這個位於大美督的降下坳燒烤場，名字特別，相信好多人都未聽過。	燒烤眾樂樂坐完長途車，人人笑逐顏開，寬敞舒適的座椅和空間，應記一功！