恐怖食堂擦嘩鬼晚宴

自問年紀唔細，慶祝Halloween唔通仲講Trick or Treat？好彩，呢個節日在香港愈來愈普及，餐廳、酒店，甚至商場都安排連串節目配合；而多款美食、飲品亦大玩驚嚇包裝，推高節日氣氛，更有酒店主題套房畀你癲番晚。想應節趁熱鬧嘅大細路，你準備好未呀？

3道菜唔使$200

以為慶祝節日實係好貴？咁又未必。位於尖沙咀的Duke's Deli，由10月28日至31日推出的3道菜晚市套餐，按選擇的主菜埋單，食到飽飽每位都唔使二百蚊。走美式路線的餐廳，特別布置成恐怖食堂，到處有南瓜頭、蜘蛛網、墓碑、骷髏頭等，未開餐已覺「心寒」。

死唔眼閉<BR>一雙鬼眼其實是將藍莓釀入荔枝肉，淋上士多啤梨混合桑莓製成的「血漿」，配埋扮「屍蟲」的米仔粉，感覺逼真。

死唔眼閉
一雙鬼眼其實是將藍莓釀入荔枝肉，淋上士多啤梨混合桑莓製成的「血漿」，配埋扮「屍蟲」的米仔粉，感覺逼真。

然後是輪流上枱的3道菜晚餐，經過大廚精心炮製，運用想像力，結合顏色豐富的食材如南瓜、墨汁及番茄等，就可變成立體棺材、鬼眼等，造型雖然有點恐怖，卻不會讓你倒胃口，依然可以開懷大嚼！

查詢電話：3583 4696

Duke's Deli萬聖節3道菜晚市套餐

‧頭盤/湯

「死唔眼閉」（草莓醬配荔枝肉雜菜沙律）

或「血池地獄」（墨西哥番茄辣雞湯）

‧主菜

「古堡伯爵」（美式飯漢堡配鮮茄鵝肝汁）$168

或「撈亂骨頭」（燒烤醬燒排骨拼豬寸骨配棺材包）$178

或「深海幽靈」（香草醬忌廉汁燴海鮮墨魚汁意粉）$188

‧甜品

「惡靈南瓜」（南瓜芝士凍餅）

‧連餐飲一杯

*另設加一服務費

註：凡於10月28日至31日惠顧此套餐，可享9折優惠

撈亂骨頭<BR>好好味的一款主菜，豬肋骨及豬寸骨燒得香口，放埋一齊似足撈亂骨頭，淋上調製的燒烤汁，惹味到停不了口。

撈亂骨頭
好好味的一款主菜，豬肋骨及豬寸骨燒得香口，放埋一齊似足撈亂骨頭，淋上調製的燒烤汁，惹味到停不了口。

深海幽靈<BR>既然來自海洋，當然少不了蜆、八爪魚、魷魚及大虎蝦等。墨汁意粉就像一條條從破船爬出來的蟲，伺機向食客偷襲！意粉入口煙韌，味道濃得化不開。

深海幽靈
既然來自海洋，當然少不了蜆、八爪魚、魷魚及大虎蝦等。墨汁意粉就像一條條從破船爬出來的蟲，伺機向食客偷襲！意粉入口煙韌，味道濃得化不開。

走美式路線的Duke's Deli內有V.I.P.房，在節日來臨前換上新裝：南瓜頭、蜘蛛網、墓碑、骷髏頭等，增添氣氛。

走美式路線的Duke's Deli內有V.I.P.房，在節日來臨前換上新裝：南瓜頭、蜘蛛網、墓碑、骷髏頭等，增添氣氛。

Time Warp $99<BR>雖然明知眼球是假的，仍有點心慌慌。帶果香的雞尾酒是用Black Vodka、新鮮黑莓等調製。

Time Warp $99
雖然明知眼球是假的，仍有點心慌慌。帶果香的雞尾酒是用Black Vodka、新鮮黑莓等調製。

玩轉地獄廂房

為慶祝Halloween，連精品酒店帝樂文娜公館都玩埋一份！其酒吧Dada Bar + Lounge會推出特製萬聖節雞尾酒系列，在年底開業的北歐餐廳FINDS，亦會率先在酒吧供應Scary Scapas風味小食系列，給大家「驚」喜見面禮，大可約埋班Friend置身這型格酒吧傾偈暢飲，齊齊歡度佳節。

酒店今年更以萬聖節經典電影《The Rocky Horror Show》為題，炮製Week of Horror，例如在主題廂房地獄（Hell），品嘗由名廚精心設計的Welcome To Hell晚宴；意猶未盡的話，更可入住The Rocky Horror Show主題套房，整間房的布置都跟電影配合，恍如身歷其境。而於佳節當日參加The Rocky Horror Show萬聖節慶功派對，更可跟The Rocky Horror Show全體劇團成員歡度難忘晚上。

查詢電話：3763 8778

萬聖節雞尾酒系列供應期：即日至10月31日

Scary Scapas風味小食供應期：即日至10月29日

Welcome To Hell供應期：10月29日至31日

收費：每位$1,666（另收加一服務費，每晚只限6至10位賓客）

The Rocky Horror Show主題套房（Mirage）收費：每晚$3,888（另收加一服務費），包括The Rocky Horror Show萬聖節慶功派對門票2張及紅酒1支，指定日子入住更可獲免費化妝品。

The Rocky Horror Show萬聖節慶功派對舉行日期及時間：10月31日11:00pm 收費：每票$250，另設連當晚戲飛的貴賓套票，每位$500。