出國旅行，應慳則慳。如果你打算近期去英國，又途經約克郡，就唔好錯過約克郡觀光通行卡呢個慳錢妙法。這個觀光通行卡，分1天（30英鎊，約HK$369）、2天（42英鎊，約HK$517）、3天（50英鎊，約HK$615）及6天（70英鎊，約HK$861）4種選擇。你可以上網用信用卡訂購，透過國際郵寄（需要10天左右）到手，或者抵埗後在遊客資訊中心即時購買也行。通行卡提供多種優惠折扣，讓你玩盡約克郡70多個名勝景點，仲有60幾項購物、餐飲及戶外活動優惠，隨卡附送過百頁旅遊指南，有齊景點背景、開放時間、聯絡資料，方便你安排行程。如果以每日行4個景點計算，6日行程可以慳45%門票錢。計埋都可以慳唔少。