Ricoh CX4天涯機玩創作模式

玩單反嘅朋友成日都想要支天涯鏡，影近又得、影遠亦得，呢個情況同樣出現喺DC界，追求所謂「天涯機」。最近Ricoh就發布CX4新機，除了備有10.7倍光學變焦，仲大玩創作模式，HDR高動態範圍、玩具特效、交差處理樣樣有，實用又玩得，符合晒做天涯機的要求。

售價：$2,880

S-Auto自動轉模式

買得DC仔，用家不外乎兩種，一係貪DC機仔易於攜帶，一係對相機操作屬「有限公司」，CX4就完全照顧晒兩班用家，拎出街夠輕巧之餘，更內置11種拍攝模式，例如人像、運動、風景等，連上代CX3大獲好評的寵物模式都繼續保留，同時內置S-Auto模式，自動切換至不同場景，照顧到一班對影相唔多熟嘅朋友。

創作模式玩花臣

依家DC淨係靠影像質素並唔夠，仲興玩花臣影特效，好似CX4就加入創作模式，包括Lomo效果的「玩具相機」、E沖C效果的「交差處理」和移軸鏡頭的「微型拍攝」等，小記試用「玩具相機」四邊黑角好突出，啱晒鍾意懷舊Feel嘅朋友，配合最新主體追蹤對焦系統，相機會自動追蹤主體動作，捕捉四圍郁嘅小朋友同寵物就Fit晒！

由28mm Zoom到300mm後，鏡頭都凸出幾長，要小心用！	機頂設有轉盤方便切換拍攝模式。	內置6種創作模式，包括玩具相機等。
支援最高32GB SDHC記憶卡，另內置88MB記憶體，影爆卡都可以頂住先。