Honda Stepwgn 2.0 EC 4招冧BB

日圓升勢推高日本車價，要找部方便一家大細的MPV代價不低。世事無絕對，本田（Honda）便引進Stepwgn 2.0 EC，動力系統維持不變，僅刪減了電趟門、天窗等設備，售價大幅下調至$243,880，無論是細車換大車的潮爸媽或迎接新生命的準爸媽，都值得考慮！

售價：$243,880

行車平穩啱載家人

Stepwgn 2.0 EC的動力配置跟家族其他成員無異，搭載2.0公升i-VTEC引擎及CVT無段變速波箱，最大的馬力、扭力分別為150匹及19.7kgm，性能稱不上很強，但勝在加速平穩，用來載家人就最適合不過。雖然EC版不設電趟門，但自行拉動也毋須花很大氣力，只要將門把抽起輕輕向後拉便可，女士們也可應付自如。儘管Stepwgn 2.0 EC以高經濟性掛帥，但出車配備卻相當齊全，自動恒溫冷氣（連日光及溫度感應）、前中後排送風口及側鏡指揮燈統統有齊，值得一讚。

現時，Stepwgn 2.0 EC的售價為$243,880，較對上一級的2.0 Luxury平上$33,000，不失為理想的家庭上車盤。

放大圖片	Stepwgn 2.0符合了香港政府環保汽油私家車認可標準，獲首次登記稅寬減。

慳油

爸爸話2010 Stepwgn採用咗新一代嘅i-VTEC引擎，油耗比上一代Stepwgn低咗約7.5%，以日本10.15行駛模式測試，油耗僅14.2km/L，每公里燃油成本只需約$1咋！

放大圖片

慳油

經濟

開埋ECON模式，限制引擎輸出同提早冷氣Cut泵時間，就可獲取更佳嘅燃油效益，爸爸慳多啲油，就可留番啲錢買多啲玩具畀我！

放大圖片

經濟

方便

Stepwgn僅390毫米的超低地台，唔單止方便上落，配合1.231米同級最高嘅雙趟門同一按式摺合中排座椅，進出後排好方便，最啱載埋爺爺嫲嫲出街。

放大圖片

方便

彈性

將後座收藏於地台底及摺起中排座椅，車尾更可變成特大嘅載物空間，大到我可以四圍爬！

彈性	車廂設計富動感，後生仔揸同樣啱Feel！	三排座椅也設有獨立冷氣送風口，確保不會前凍後熱。
錶板設計清晰易讀，行車資料豐富。	側鏡設有指揮燈，行車切線更安全。