西班牙炒飯原來唔使炒？

在西班牙數個城市嘗過西班牙炒飯（Paella），味道迥異得令我不得不追蹤炒飯源頭——華倫西亞（Valencia）。為啖正宗炒飯，路程頗轉折，由馬德里坐數小時火車到華倫西亞，再坐半小時車才到達西班牙炒飯之鄉Albufera湖。歎完炒飯，得閒要逛埋歐洲最大市場之一Mercado Central，內裏千個攤檔，充斥時令食材，令人對西班牙飲食文化又愛多一些……

西班牙人只在午餐歎炒飯，晚餐是不吃炒飯的。

就地取材

來到華倫西亞，未聞飯香已有滿肚疑問，究竟西班牙炒飯是否要用鑊拋出來？只可用海鮮？雖然城中著名炒飯餐廳位於海邊，地膽卻表示，要歎最正宗的西班牙炒飯，要到湖邊——距離華城12公里的Albufera湖。

原來當地湖畔稻田正是西班牙米倉，摩爾人早在7世紀已輸入灌溉法種植稻米，繼而引入食用米飯的習慣。直至19世紀，西班牙炒飯在Albufera地區正式出現。

炒飯達人Vicente Marco話西班牙炒飯唔使炒，灑完米粒攪兩攪就OK。

Albufera湖畔稻田滿布，是西班牙的米倉。

各位別以為西班牙炒飯一定與海鮮不可分割，其實西班牙人喜歡就地取材。話說古時西班牙曾經兔子為患，兔肉順理成章成為主要材料，海邊居民當然以海鮮入饌，窮人連蝸牛也不放過！西班牙炒飯多達三百種花款，材料任君選擇，但最正宗的有三大重要元素，包括柴火、平底鐵鍋及Albufera湖區El Palmar產的稻米。這種稻米特點是短身、吸水力強，以及有嚼勁，不能以日本米或澳洲米取代。

除了番紅花，還要加入Paprika粉增加色澤及香氣。

Restaurant Mateu開業超過四十年，是西班牙炒飯老字號。

火腿酷男與黑毛豬火腿同樣吸引，兩樣都想要！

稻米成主角

聽完典故，走入40年炒飯老字號Restaurant Mateu的廚房，跟炒飯達人Vicente Marco偷師。十歲已懂得炒飯的Vicente，是Mateu第二代傳人，邊煮邊講簡單步驟：「首先煎香啲雞，然後落荷蘭豆，再加水煮吓，咁上下咪灑啲米落去。」就係咁簡單，西班牙炒飯是不用炒的。不過由於稻米吸水力強勁，需耐不耐加水及試味，最後灑上番紅花粉，待水分蒸發、飯粒軟硬適中時加至最大火，熄火待涼一會便可上枱。