SHF路飛拳頭大過沙煲

有留意日本人氣漫畫《One Piece》，聽到呢句都知主角路飛登場，不過今次唔係電影或擺設，而是人形可動Figure專家SHF（Super Hero Figuarts）首次推出《One Piece》系列，由橡皮人路飛拍住兄長火拳艾斯打頭陣，無論Pose靈活性或配件好玩程度，都比以往正幾倍，希望快啲出齊草帽海盜團啦。
售價：$269（每個）
售價：$269（每個）

雙關節靈活性大增

巿面《One Piece》精品玩具見得多，但Figure做得較似樣的，來來去去只有唔識郁嘅POP和盒蛋系列，想換個靚仔Pose出絕招都唔得，近日終於等到SHF出手，由於之前做開《幪面超人》等人形Figure，手腳承繼其雙關節設計，連腰間和腳掌都加入隱藏關節，令可動性大大提升，擺出橡皮火箭炮或換檔等高難度Pose都唔怕跌低。

路飛絕招巨人之拳，拳頭真係有沙煲咁大，令到擺Pose時要吊住來影相。
  • 路飛絕招巨人之拳，拳頭真係有沙煲咁大，令到擺Pose時要吊住來影相。
手腳雙關節加上鉸位球形關節，令路飛擺出換檔等Pose都冇難度。
  • 手腳雙關節加上鉸位球形關節，令路飛擺出換檔等Pose都冇難度。
除了可輕易屈曲90度角，連腳掌都備有隱藏關節，令Figure企得更穩。
  • 除了可輕易屈曲90度角，連腳掌都備有隱藏關節，令Figure企得更穩。
SHF之前唔興送底座，來到《One Piece》系列竟然每個都送，認真偏心。
  • SHF之前唔興送底座，來到《One Piece》系列竟然每個都送，認真偏心。

路飛施展巨人之拳

SHF今次可說對路飛頗為偏心，單係臉部表情就有5款畀你替換，最吸引是Figure右手可以拆下來，換上必殺技巨人之拳，將漫畫精髓重現，加埋草帽、背心和手掌等，配件比之前SHF《幪面超人》更多更好玩。Bandai消息話MG（Master Grade）系列稍後亦會加推主角路飛，但以SHF二百幾元有咁多配件來看，未打已先贏一仗。

見到食物，路飛雙眼不期然發光，表情夠晒搞笑。
  • 見到食物，路飛雙眼不期然發光，表情夠晒搞笑。
除了兩個不同髮型，路飛還有5個臉部表情替換，做得惟肖惟妙。
  • 除了兩個不同髮型，路飛還有5個臉部表情替換，做得惟肖惟妙。

艾斯紋身忠於原著

至於漫畫第一部「大航海時代」結尾的焦點人物火拳艾斯，雖然網友圍插佢個樣做得唔多似，但SHF總算落重本，送番大批配件飾物補數，單係手掌就有10隻任換，想擺出火燄牆或指槍等Pose都掂，仲可在手腳加上透明火燄裝飾，襯晒火拳個朵。而塑體關節設計則與路飛接近，背部更加上白鬍子海盜團紋身，入形入格。

外號叫火拳的艾斯，手腳均可裝上透明火燄裝飾，手指仲可射出指槍。
  • 外號叫火拳的艾斯，手腳均可裝上透明火燄裝飾，手指仲可射出指槍。
身為白鬍子海盜團第二隊隊長，艾斯背部當然有白鬍子紋身。
  • 身為白鬍子海盜團第二隊隊長，艾斯背部當然有白鬍子紋身。
  • 放大圖片
今次SHF賣大包送10隻手掌咁多，同佢猜「包、剪、揼」都得。
  • 今次SHF賣大包送10隻手掌咁多，同佢猜「包、剪、揼」都得。

木村成藝能界One Piece王

《One Piece》在日本賣出1億9,500萬部，破晒《龍珠》紀錄，人人爭住做海賊王，估唔到連木村拓哉都係粉絲，話想演《One Piece》真人版，早前《SMAP × SMAP》節目就舉行「One Piece王」決賽，結果由木村答中晒問題拎冠軍，如果出SHF木村Figure，號召力應該唔會比路飛弱。

影片網址：www.youtube.com/watch?v=ar_HJzcEhMU

撰文 ：鍾鎮科

攝影 ：黎劍華

查詢電話 ：2433 1828