大蛇灣　水面水底輪流玩

水上做飛魚

從西貢碼頭租船前往大蛇灣，船程約1小時，待船停定，各式水上活動隨即展開。家陣租船出海玩，船上通常都配備Wakeboard供大家玩，添哥的船亦不例外。Wakeboarding雖不是新鮮玩意，勝在有一定難度，而且花式多樣，刺激兼具挑戰性，百玩不厭。新手上到船都唔使怕，事關添哥助手阿成玩了Wakeboard 4年，一般難度動作如Backside和360等都難不倒他。難得同埋一條船，無論跟他學一招半式，又或睇佢Show Quali，一展水上英姿，也是不錯的消遣。

玩完Wakeboard，見有點攰，但又想繼續水上飛，大可再玩體力需求不多的水上飛魚。飛魚設計像一個「幵」字，上面設有兩個凹陷座位，只需安坐其中，拉好手抽，任由快艇拖行即可。開行了的快艇，會將飛魚上半截拉起，當遇到起伏海浪時，更會隨浪花飛彈，坐在上面的人，不用怎樣郁，便可享受水上飛的樂趣。

兩位Model玩飛魚，不知幾High！	飛魚上設有兩個凹陷座位，可供2人一前一後分開玩。	不少潛友專程來大蛇灣潛水睇珊瑚。

大蛇灣沙灘出名水清沙幼，不妨上沙灘玩玩水、踩踩沙，甚至打場沙灘排球，投入自然寧靜的懷抱。

可愛小丑魚常伴珊瑚左右。	大蛇灣的珊瑚覆蓋率達69%，在本港水域中名列前茅。	呢個空中翻騰動作，係咪好型呀？

大蛇灣船河

上落船地點：西貢碼頭

在水底不但可欣賞珊瑚，還找到不少罕見的海洋生物，包括這種海刺。

大蛇灣位置偏遠，人迹罕至，大家隨時可獨霸沙灘。

時　　　間：9:00am~5:00pm（日間8小時）

人　　　數：20人或以下

收　　　費：平日$4,000起，星期六、日或公眾假期$7,500起。若超過20人每位收$150。

查　　　詢：9713 1595（阿添）

網　　　址：www.waketim.com

水底賞珊瑚

喜歡潛水的朋友，來到大蛇灣當然不可錯過精彩的水底世界。香港東邊水域有天然屏障保護，不受珠江淡水流影響，所以能孕育珊瑚群。據漁農自然護理署最近一期的香港珊瑚礁普查指出，在33個普查水域中，珊瑚覆蓋率最高的為海下灣碼頭，為73.8%，最低的是果洲只有19%，而大蛇灣的珊瑚覆蓋率則有69%，難怪吸引一些潛水發燒友前來觀賞珊瑚。

撰文：林登麗　攝影：陳世昌

部分相片提供：香港潛水攝影學會

模特兒：Jenny、Mangie（Step Model）