新貨到!必買Multi-Touch平板電腦

去得電腦節,大部分人都係為執好嘢。各大廠商年年都會趁電腦節推出新產品,但係貨品琳瑯滿目,會場又水洩不通,隨時行到攰都未搵到你嘅心頭好,如果咁樣錯失機會就唔抵啦!小記依家幫各位揀出精選新貨,等大家唔使做「盲頭烏蠅」!

流動工作

上班一族最佳夥伴必定係流動性強嘅產品,Notebook一定唔少得,另一方面亦可以考慮埋平板電腦等同類型產品。

漢王Touchpad B10 簡報最啱

上班一族經常見客、做Present,漢王Touchpad B10可能啱你。部機同iPad差唔多大,採用Windows 7 Home Premium作業系統,加埋10.1吋Multi-touch屏幕,手指指就可以輕鬆做簡報。

攤位:J01

DELL筆記簿 平穩實際

DELL喺電腦節會推出兩部新Notebook,分別係INSPIRON 13Z、14(351),走平穩實際路線。13吋INSPIRON 13Z採用AMD K325處理器、2GB DDR3記憶體及320GB硬碟,應付一般文書工作、娛樂絕對冇問題。而INSPIRON 14 (351),採用Intel Core i3-350M處理器(2.13GHz),速度比13Z更快,並配備14吋屏幕。

攤位:L27~30

LaCie CooKey 8GB防水防刮花

USB手指係每年電腦節必掃產物,今年LaCie推出Cookey手指,驟眼睇真係成條鎖匙咁,用上全金屬設計,仲有專利技術,做到防水、防刮花。

攤位:M21~26

家庭娛樂

如果你為人父母,可能想添置新電腦畀仔女;如果你有電腦,可能想買部多媒體娛樂產品返屋企玩吓。Giada迷你電腦、Lenovo All-In-One PC、iHOME iPhon喇叭,即睇!

Giada N20 ION2迷你電腦支援高清播放

N20得15×15×2cm,手掌咁上下大,擺喺電視機隔籬啱啱好。ION2效能比上一代高,用上雙核INTEL Atom 510處理器以及NVIDIA ION2繪圖處理器,加埋個HDMI駁電視,絕對適合鍾意睇高清電影嘅你。

攤位:T11、T12、T14、T16、T18、T20

Lenovo IdeaCentre A700 All-In-One PC 高效一體機

All-In-One PC指主機同屏幕連體既電腦,計我話A700先真係All-In-One。23吋闊屏幕支援Full HD都未夠,仲要玩埋多點觸控,內置JBL喇叭。超薄機身連底座,配埋無線鍵盤、滑鼠,想要嘅都有齊晒!

攤位:T01

iHOME iP49旗艦版iPod良伴

iHOME iP49被廠商視為旗艦版iPod喇叭,功能、質素有一定分量。音效方面採專利Bongiovi DPS聲音技術,音質可靠。最重要係乾、濕電兩用同機身可摺疊,擺屋企拎出街都得。

攤位:AA27~28、X25

Acer HQ bid GD245立體家庭影院

要喺屋企享受3D畫面,Acer新芒啱晒你。GD245配合NVidia 3D Vision而研發,加埋3D Vision配套就可以睇到3D影像。就算你唔睇3D,23.6吋Full HD嘅規格都夠晒吸引啦!

攤位:D21

漢王eBook N618讀「書」唔傷眼

電子書愈嚟愈多人用,貪佢儲到大量書本,隨時睇都得。漢王eBook N618用e-Ink技術,令讀者睇屏幕時冇咁傷眼,加上可視角大啲,猶如睇真書咁;仲支援英、繁、簡中文及多種文字檔,冇藉口唔睇書啦!

攤位:J01

撰文:林子聰