19吋巨芒繪圖 75度任調校

專業漫畫家和攝影師都愛用繪圖板畫公仔執相，但最大問題係個頭望住個芒，但雙手卻在板上畫來畫去，隨時畫錯位，所以P-Active便推出首款19吋繪圖屏幕1910A，除了備有1,280×1,024解像度及1,024高階感壓，個芒更可以75度企直或瞓低工作，以後睇住個芒寫字填色自然得心應手。睇番Wacom同類型繪圖屏幕要兩萬元水平，依家1910A平近半之餘，更附送《Photo Creator》和《Deleter》等軟件，想訓練自己成下一個黃玉郎、馬榮成，不妨考慮一下。