炎夏氣溫繼續升，即使留喺屋企開「行」冷氣都仲係熱辣辣，好在仲有大大小小方便小家品幫手，既有自製甜點小工具，又有可以帶出街嘅冰凍毛巾，內外夾攻，等你有個涼浸浸嘅夏日！
透心涼的凍飲、甜品，確是夏天恩物；但其實晶瑩剔透嘅冰粒先係當中主角！市面上製冰工具花樣百出，形狀得意嘅矽膠冰格、簡單易用嘅刨冰機……想幾爽有幾爽！
突然要整多杯凍飲又雪唔切冰，點算？只需將約2公升水倒入此機，1小時即可製60粒大冰；若是細粒冰，更可一小時製過百粒，取冰後會自動再製冰，開派對用最啱！$2,980（c）
骷髏頭、魚骨造型冰格搞鬼趣致，將製成品加入凍飲內，大小朋友都鍾意！$32（b）
將自製的星星或冰糖葫蘆形的攪攪冰棒放入特飲內，頓時生色不少；更可以自製果汁雪條，逗逗家中小孩開心呢！$20（b）
鍾意飲醒神青檸冰的你，以後可以自製最Fit口味喇！將青檸片放在特製冰格後再倒入糖水或清水，雪一陣就有至正凍飲，So refreshing！$58（a）
先將雪糕粉、牛奶同忌廉放入容器，打好「雪糕底」後加入新鮮生果開掣攪勻，放入雪櫃雪一晚，第二日即有涼透心雪糕食！$399（b）
除不同製冰工具外，簡單易用的實用家品，都可成為你的炎夏救星，想全天候涼浸浸話咁易啦！
熊仔飯盒設有「Gel-Cool」盒蓋，能將食物保冷，只需將盒蓋放入雪櫃加凍，使用時再放回食物盒上，便可將食物保存在15℃以下約4小時。$198（a）
將你的「飛佛」果汁或汽水等倒入雪條模內，即可輕易自製讓人充滿童年回憶的滋味冰條！$32（a）
只需將大冰磚放入米奇刨冰機內用手攪幾下，即可自製又薄又爽的雪花冰！加埋鮮果煉奶一齊食，歎過出街排餐懵啦！$198（c）
得意貓貓及熊仔原來都是布甸模，邊享凍飲邊食又凍又滑的布甸，一樂也！$100/套（a）
唔想飲品加冰後味道變淡，冰杯就係最佳拍檔！將杯放入冰箱雪一晚後再倒入心愛飲品，冰凍杯身即時發揮效用，正呀！原價$60 特價$42（a）
將毛巾放入冰箱內雪一晚，第二朝將冰極毛巾放入得意藥丸盒內拎出街用，就可即時降溫！$20（b）
撰文：楊芷穎 攝影：張群生
查詢電話：（a）2693 0666 （b）3480 6558 （c） 3102 2783