官方推出的《Madonna》一直雄據「Music」App排行榜冠軍，內裏除了有齊娜姐音樂專輯和最新消息外，還備有YouTube試片、各款靚相、過往表演和相關書籍等，粉絲們可經iPhone互相留言討論。當然試聽歌曲後，可直接在App內購買，學友、Eason都應該學吓。
日本熱爆的樂器Otamatone音符小蝌蚪，近日終於推出iPhone正式版，玩法和音色亦和實物差唔多，只要在iPhone拉住Otamatone個嘴，佢就會叫出不同音色，網上唔少人演奏時仲拍埋片上YouTube，而軟件版加入「Play & Record」錄播功能，方便隨時欣賞。
有時心血來潮哼出樂曲，但偏偏想唔到首歌叫乜名，依家終於有辦法。只要對住iPhone唱歌，又或者講出歌手或專輯名稱，《SoundHound》就會上傳搵出相關專輯，小記試過搵Lady Gaga真係騷到畀你睇，玩超級無敵估歌仔肯定贏晒，可惜冇中文歌庫唔就手。
撰文：鍾鎮科