Nokia C6 Clubbing新配備

潮流與Clubbing，放工後約靚女如Kama跳舞飲酒，感覺勁Hea！不過在強勁音樂下，冇理由仲拎住電話四圍講，最新Nokia C6便內置QWERTY鍵盤，彈指間便能喪打短訊；最正係有埋《Ovi Maps》同《車師傅》，蒲點幾遠都識去兼享盡泊車優惠，玩得精明過人！

mini變種

提到Nokia的側滑QWERTY機款，好多人第一時間想起N97 mini，只是定位偏高，唔係人人受落。有見及此，Nokia再推精簡版C6，亦是旗下C系首款QWERTY手機。論Size，它比N97 mini肥大肉厚，但按鍵更多、排列更密，打字自然更得心應手。輸入法方面，有齊倉頡、速成、注音及五筆，用唔慣仲有手寫輸入，而實測下辨認率頗高，透過「繁簡轉換功能」，入完繁體字撳個掣即變簡體字，同內地朋友Chatting都冇問題。

同時收發10組電郵

C6跟N97 mini一樣改用S60 5.0平台，因此為人讚頌的「六舊腹肌」主介面亦移植過來，用戶可自由編排時間、聯絡人或其他Widgets位置。既然定位為Social Phone， C6當然內建了Facebook、MySpace、Friendster等社交程式，當中Facebook更可於主頁更新資料，隨時Update好友近況。若嫌以上太玩樂，透過Nokia Messaging還可追加10組電郵帳號，包括Yahoo!、Hotmail及Gmail等等，一機就可Check晒所有公務電郵，精明！

雖然機身比N97 mini略厚，但女仔拎上手仍然剛剛好，而且系統已預載小飛俠介面主題，比原有主題可愛得多。售價︰$2,598	影相介面布局唔錯，按鍵放於兩側唔會阻住取景，但今時今日仲冇人臉對焦便有點那個。	機面僅有撥號、收線及Menu三個按鍵，其他操作主要依賴3.2吋觸屏。
鏡頭沒有蔡司認證，但仍有500萬像素及閃光燈，Snapshot夠晒用。	設有QWERTY鍵盤，厚度有成16.8mm，好難同直立機款相比。	主頁可放「六舊腹肌」，清楚顯示時間、Facebook更新及各式Widgets，而且位置可任意調亂。

免費送《Ovi Maps》

至於其他規格，C6屏幕有3.2吋、1,600萬色及640×360解像度，睇相、睇片都靚過其他中階機多多聲，而且它還內置500萬像素鏡頭及閃光燈，就算夜場燈光幾暗都影到靚相。另外，出街玩最怕蕩失路，C6今次就免費提供《Ovi Maps》中文導航軟件，跟住GPS指示就搵到目的地。而駕車人士更可透過Ovi Store，裝埋最新程式《車師傅》，隨時得知緊急維修、汽車美容及汽車買賣等資料，而程式還會定期提供泊車優惠，玩到邊都有着數。