粵饌小碟酸味鬥一番

搜羅特別清酒

鬥完酸開胃晒，係時候搵嘢食。日式居酒屋向來是飲幾杯、佐小食，減壓輕鬆的地方，原來也可以搞搞新意。像這新店「連粵日」粵饌居酒屋，就將小碟頭粵菜跟日本清酒來個連結，而且環境也是非一般的居酒屋，從落地玻璃看到開揚街景，輕鬆音樂作背景，店子小小卻Cozy，可以Hea上幾個鐘。

話明是居酒屋，餐廳一隅的玻璃酒櫃，就放滿各式日本清酒，用來「刺激收視」，旁邊更有張用清酒樽蓋砌出日本國旗的海報，搶眼又貼題。店主Jareth愛煮愛食，夫妻檔開店就是想以美食會客，他說：「居酒屋以酒為先，這裏就有二十多種酒，而且同清酒供應商幾熟絡，不時會有坊間少見的、特別的靚酒。像Yoyo飲的蜜柑酒，每年只在6至8月推出，果味好香濃。」

柚子番茄 $34 原個番茄本已清甜，現更有柚子醋、醬油、柚子醬及香草等做調味，層次豐富，果香滿瀉。酸度：3（5分為最酸）	話梅醉涼瓜 $30 層層疊似的賣相，甚為討好，涼瓜出水後特別爽脆，還以話梅汁浸過夜，清涼入味。酸度：5	梅子脆雞翼 $32 先用話梅醃雞翼，香炸後再鋪上日本梅乾，酸酸的可中和雞翼膩滯。酸度：4

創新的骰粵菜

清酒跟和食就像一對，這裏偏來個反傳統，不止以粵菜配搭，還改以的骰分量奉客，跟隨居酒屋的佐酒風格，但變出新鮮感；即使人少少，也可試多幾款。這裏的粵菜經過改良，混合了和式風味，像柚子番茄、梅子脆雞翼等，當中不乏混合話梅、花雕及柚子等，酸香滋味可刺激食欲，賣相標致亦加分。

能做出一道道佳餚，當然要有靚材料，Jareth會在不同地方搜羅食材：九龍城買牛，灣仔、銅鑼灣買海鮮等，他說：「上樓舖租金較平，可以用錢去買靚料，好唔好食個客一試就知。」Yoyo說出個人食評：「涼瓜好爽脆，味道清新；牛腩熱辣辣上枱，聞到都想食，仲好鬆軟入味，記得要連湯都飲埋。」

鵝肝蛋珍珠飯 $98 厚厚的鵝肝跟雞蛋，看到也覺豐富，食時將兩者混和撈進飯中，一啖食齊多種滋味。	清湯蘿蔔牛腩 $78 嚴選靚坑腩，鬆軟嫩滑，湯底更用上很多骨熬十多個鐘而成，清甜無比，Yoyo食完即讚。	奧之松吟釀（左）$98 松竹梅純米濁酒（右）$88 奧之松為2008及2009受賞酒，味道簡單不太甜；而松竹梅色澤米白，入口甜甜的很易飲。
坐在寬闊的黑皮椅上，從落地玻璃看到開揚街景，加上輕鬆音樂，超正！

果酒輪流登場

夏天何止有靚水果，更加有靚果酒！果酒清新開胃，可消暑解悶，增進食欲。除大路的梅酒外，另有蜜柑酒、柚子酒及蘋果酒等，口味甚多，而這類酒的酒精含量較低，香甜之中帶少少酒味，易入口，因而特別受女士們歡迎。

陳自瑤飯後感

剛拍完古裝劇《洪武三十二》，飾演歌姬一角；而劇集《女人最痛》亦正播映。

「我每次飲酒都只會淺嘗，飲少少試吓味，心情可以Relax啲。蜜柑酒聞落好香橙味，飲落就有些少澀，刺激胃口可以食多啲。」

試食報告

環境氣氛：★★★

好味指數：★★★★

必食推介：

清湯蘿蔔牛腩、話梅醉涼瓜

人均消費：$250

撰文：楊淑英

攝影：盧展程

髮型：Calvin Choi

查詢電話：2808 0309