搭叮叮玩轉漫畫冰室

今個暑假，想帶小朋友見識本地文化可愛的一面？毋須左撲右撲，也不用日曬雨淋，皆因馬鞍山新港城中心邀請了著名本地漫畫家「留馬仔」合辦「我愛香港地」主題展覽，漫畫人物「馬仔」將會充當導遊，陪大家坐「叮叮」、歎茶餐、拮魚蛋，仲會暢遊金紫荊，期間唔會逼你消費，更加唔會鬧人，大家可以100%放心玩！

茶餐廳布景 必影！

今次馬仔走入現實香港地，跟新港城中心Crossover，舉辦首個大型漫畫展「我愛香港地」，玩盡地道文化，場內特設馬仔茶餐廳，馬仔會化身侍應幫你落單點菜，又會炮製出超巨型雞蛋仔，定必成為拍攝焦點!

除了靚景任你影，場內更展出多個大型馬仔漫畫故事，畫出香港人日常生活溫馨趣事。大小朋友又可到漫畫閱讀專區，免費閱讀多本馬仔出版之漫畫作，以及試玩刺激有趣的「馬仔大牌檔」電腦動畫遊戲，輕輕鬆鬆消磨大半天！

馬仔茶餐廳內，備有多款熱辣辣地道美食，如蛋撻、菠蘿油等。	大家可化身收銀員、顧客，玩盡餐廳內每個角落。	馬仔炮製出來的超巨型雞蛋仔，好搶鏡呀！
多個大型馬仔漫畫故事，畫出香港人日常生活趣事。	漫畫閱讀專區內，可免費閱讀多本馬仔出版之漫畫。	場內設「馬仔大牌檔」電腦動畫遊戲，可免費試玩。
多幅不同造型的馬仔畫冊，供小朋友填上色彩。	放大圖片

至Fun攤位遊戲

平日食得魚蛋多，你又試過自己拮魚蛋未？馬鞍山新港城中心設有「勁拮魚蛋大激鬥」及「龍鳳茶樓點心對對碰」兩款攤位遊戲，考你眼明手快，鬥快拮魚蛋及配對指定點心，贏取獨家馬仔精美禮品。

遊戲日期：7月31日；8月1、7~8、14~15日

時間：2:00pm~7:00pm

盛滿點心籠的點心車，又是拍攝熱點之一！

於30秒內，若可拮到3串魚蛋（每串4粒），即可獲獎。

活動詳情

日期：即日至8月15日

開放時間：12:00nn~9:00pm

地點：馬鞍山新港城中心L2天幕廣場

查詢電話：2389 1878

撰文：司徒德琳　攝影：郭凱敏

模特兒：陳倩瑩（Komsomolsk）、芯遙、叮叮、民熙