吳雨霏搭機遇氣流黑上黑
吳雨霏（Kary）昨晚出席zucca時裝騷時表示剛從日本返港，但遇黑雨，險些不能出席：「因為黑雨關係，啲行李運唔到嚟，大家都滯留喺機場，後來航空公司話遲啲會送番啲行李去我屋企，不過喺機上啲氣流已經好勁，嚇到我標冷汗，我不嬲驚搭飛機。」Kary又表示今次到日本主要探朋友，因日圓太貴沒有瘋狂購物，只不停品嘗美食。
同場的周柏豪表示最近忙於九月的舞台劇，將與香港先生袁偉豪一齊演出，他說：「袁偉豪在舞台劇入面有幕只着底褲裸露，我驚導演會臨時有改動要我裸露，所以最近忙keep fit。（內褲得唔得？）冇所謂，靚就得，趁青春留倩影，我嚟緊出碟封面都有一大『凸』破，只着leggings，所以要健身，希望有多啲腹肌。」