菲島平玩西班牙風情2蚊遊車河

特派記者：羅安琪

鳴謝：菲律賓旅遊局（香港、澳門及南中國）、佬沃海景假日酒店

城內的小朋友可愛又熱情，面對鏡頭任影唔嬲。

馬車是城內主要交通工具，亦有仿馬車的座位。

掃手製藤袋

維干位於菲律賓北部呂宋半島，離佬沃市中心約1個半小時車程，古城早在1999年已被列為世界文化遺產，至今仍保留數百年前的殖民地風貌，雖然建築物外牆油漆已經剝落，但仍可發現建築物細膩的部分，例如拱形門框、雕花門窗等。

天氣咁熱，最好試杯牛油果雪糕了！P20（約HK$3）。	繡上Vigan字樣的袋仔，有紀念價值，P50（約HK$8）。	色彩鮮艷的手繩又靚又便宜，做手信最好不過，P20（約HK$3）。

如今老房子已變成古董店及手信店，售賣木製古董、宗教人物雕像、手工藝品等。推介Casa Rica雜貨店的藤製手袋，老闆娘說是自家人手製作，色彩鮮艷又不老土，內層更經過加工，不像平時軟軟的藤袋，而是出奇地實淨，都不過HK$100左右，又抵又靚，點可以唔買幾個畀好姊妹呢？

這把扇子有特色又實用，唔買點得？P50（約HK$8）起。	Casa Rica的手製藤袋，手工跟質地都非常好，超實淨，只係P600（約HK$102），抵買！	現在老房子都改建成商店，售賣地道工藝品。

坐馬車遊城

看着看着，忽聞馬蹄聲此起彼落，回望街中，發現造型古雅的馬車走過，令西班牙小鎮風情更加濃厚。

街上有不少教堂，這裏就是當年教徒聚集的小教堂。	詩人Leona Florentino的故居，現已改建成Cafe。	餐廳內裝潢雅致，頗有歐洲風味。

馬車伕們對遊客非常熱情，又笑又揮手，一問價錢，每公里都只是HK$2，認真抵坐。坐在馬車上，清風送爽，是遊城的不錯選擇。途中發現小朋友圍住傳統流動雪糕車，就知必定是好嘢，賣的是即叫即「畢」落脆筒的雪糕，有杧果和牛油果等味道，從沒試過牛油果的雪糕，食落味道都幾似喎！

五花腩入口香脆，P235（約HK$40）。	Halo Halo像棉花冰，冰涼可口，P100（約HK$17）。	放大圖片

維干古城 地址：Crisologo St, Vigan, Luzon, Philippines

嘗超脆炸豬　食Halo Halo

在街頭大家會發現一座銅像及二百多年歷史的綠色老房子，是女詩人Leona Florentino的故居，地下已改建成餐廳Cafe Leona，讓大家一嘗地道美食。菲律賓食品以炸豬肉、蔬菜及米飯為主，每餐必見炸豬肉，其實是炸五花腩，食落超級香脆，卜卜脆的聲音連身旁朋友都聽到，拌以番茄洋葱酸汁，可減少油膩感；另外還有醒胃酸菜湯，去濕又解渴，而我最喜歡的則是甜品Halo Halo，外貌像台灣棉花冰，材料則是甜豆、喱、椰絲、雪糕及香芋等，彩色賣相夠吸引，入口軟、硬、煙韌等多種感覺交纏在一起，層次豐富，冰涼又香甜，天時暑熱來一杯，實在涼透心！

海上絲路必經之地

維干古城位於Abra River河口，地處南中國海的有利地理位置，昔日是海上絲綢之路的必經之地。維干出產的木材、黃金及蜜蠟，都經過這條繁忙的海上交通要道，運往亞洲各國、阿拉伯，甚至歐洲國家，是西班牙統治時期北方最重要的城鎮。

遨遊備忘

簽證：持BNO及特區護照，在菲律賓可免簽證逗留最多7日

機票：乘坐香港快運航空，香港至佬沃經濟客位機票，$1,950起

套票：4日3夜佬沃套票，$1,799起

查詢：2730 2121

天氣：7月氣溫約25℃~32℃

貨幣：HK$1約兌P5.9

網址：visitphilippines.com.hk