司機這個行業，薪金大約一萬蚊左右，收入多少全靠OT。
大巴、小巴、的士由朝開到晚，閒閒哋12個鐘頭起碼，又辛苦又危險，搏到盡都係萬五、六蚊，唔係咁「筍」啫。
悠悠閒閒，揸老闆車就最好了。第一，肯定係靚車，唔係豪Van就係BMW或者Benz。第二，計埋OT，津貼點都有萬四、五蚊。第三，如果好彩，搵到啲淨係返工放工的老闆，一日走一兩轉，你話幾「悠」，你話幾「筍」呢？
不過，時移世易，這個行業原來已經變了天，現在通街老闆車都換晒菲籍、尼泊爾籍的司機，鮮見本地司機了。
開菲傭介紹所的老友更話菲籍司機近年供不應求，個Waiting List仲愈來愈長添。
我八卦問吓：「點解？是他們的人工平宜嗎？」答：「又……唔算喎，普遍由$7,500~$8,500包食住，或者畀多$1,500~$2,000租屋住，有啲做得耐、有經驗的叫價更高至萬一、二蚊添。」
「咦，又咪同本地司機差不多人工？點解仲咁搶手呢？」
用家意見：最主要係貪佢哋言語不通，唔知老闆講乜，就無咁多是非啦。
哈哈，又係喎，喺架車度傾完啲秘密嘢，一落車就通晒天，仲唔係有「鬼」？
註冊女中醫