血拼DNA發作一手造成

「Handmade」係近年用得最濫嘅推銷術語，偏偏萬試萬靈，全因它象徵了「獨特」、「精巧」、「唔行貨」，對於追求一分錢幾分貨嘅港人，零舍受落。難怪近期頻頻有少女向小記「投訴」，話每次逛尖沙咀DNA，體內嘅掃貨DNA都會即時發作，皆因場內有唔少Handmade猛人進駐，件件貨都係一手造成，咁鬼吸引，當然會唔買唔舒服啦！

粉紅彩繪帆船鞋 $299
彩繪貨車帽 $89（INK IN）

布藝配飾 Kawaii

十個女仔九個鍾意買袋買鞋，走入DNA，荷包勢必大出血！INK IN是場內一間專賣彩繪布鞋及布袋的店子，每件貨品的圖案都是由專業畫師一筆筆繪上。如果有心水圖案，更可特別訂造。

另一家專賣自家製布袋的ni.co kara，同屬女士荷包的「重災區」，店主鍾情台灣布藝產品，於是學習布藝製作，並創立自家品牌。店內售賣的布袋有不同款式及尺碼，用上很多碎花與dot柄圖案，充滿少女味，大家更可自己揀布訂製，擁有一個獨一無二的布袋！

牛仔布蝴蝶頭飾 $25 碎花dot柄手挽袋 $248（ni.co kara）	店內的鞋款有分大人及小童，左邊繪上幾米經典圖案的，屬成人款（$299），右邊則為小童款（$199）。（INK IN）	粉紅色束口袋，堪稱少女恩物。 $58（ni.co kara）
dot柄喱士相機袋，夠晒Cutie！$99（ni.co kara）	黃色dot柄斜孭袋，搶眼度爆燈。 $199（ni.co kara）	Boot型布鞋襯上少女味圖案，是近期大熱款式。$399（INK IN）

迷你擺設 Cutie

講起Handmade，第一時間想起手工精細的小擺設，場內一家專賣微型藝術作品的小店——Mini Workshop，正好反映乜嘢係真正嘅「精細」！走進店子，猶如進入迷你王國，魚蛋車仔檔、涼果檔、生果店、花店、大牌檔美食……一系列香港民生縮影就在眼前。除了出售現成微型作品外，店內更有過百款微型配件選擇，啱晒手作達人！

香港地，點少得魚蛋檔！$888	迷你版嫁女餅，最啱送畀待嫁姑娘。 $188	疑似厚福街涼果檔，手工超精細！ $688
見到大牌檔擺設，忽然間好想去歎個下午茶添。 $420