海底照傾！瀛Phone夏水戰

美顏水銀芒 SoftBank 944SH

手機唔戴套都落得水！Sharp新出嘅SoftBank 944SH符合IPX7防水標準，可在常溫1米水深下，正常運作30分鐘，換句話說浮潛緊都可以「咕嚕咕嚕」咁傾電話。手機另一賣點係機面個3吋水銀芒，平時以單色顯示時間、日期、短訊等資料，但只要一「Mirror」按鍵，屏幕即變化妝鏡，正如o靚模Debby話齋，玩玩吓水都可檢查妝容，唔怕變成花面貓！再問佢點睇個800萬像素鏡頭，佢就話︰「像素係少咗啲，但佢就用CCD感光元件，先天質素好過CMOS，最正係有埋美顏模式，幫我執靚皮膚、瘦面兼放大雙眼，就算游水唔戴得Con一樣有大眼仔效果！」

售價︰$3,980	雖然唔係千萬像素鏡頭，但就支援廣角拍攝，加埋補光燈及ISO 12,800超光感光度，至啱在水底影魚群。	水銀芒唔只可以報時、報天氣，仲內置計步器，計住步行所消耗卡路里，Keep Fit必備。
放大圖片	游水最怕溶妝，944SH水銀芒可變鏡，補妝就神不知鬼不覺啦！	美顏模式：一次過開晒瘦臉、美白及美瞳3個Beauty Mode，Debby立刻變白變瘦，雙眼仲又圓又大，好似卡通人物咁可愛！
放大圖片

高清入中文 DoCoMo F-06B

以為1米防水就好巴閉？Fujitsu研製嘅F-06B仲厲害，防水級數達IPX8標準，常溫下深潛1.5米30分鐘一樣冇問題，為目前防水能力最高嘅日系手機。若想拍低海底珊瑚，佢亦有計，事關1,320萬像素鏡頭支援1,080p高清拍片，叫o靚模Iris實測，佢就話又清又靚，而且屏幕可90度旋轉，橫度取景、睇片同樣方便！試埋輸入法，Iris驚訝日本機都入到中文，原來佢除咗筆劃、拼音以外，仲支援手寫輸入，撩幾筆就入到繁體漢字︰「我最鍾意係佢每入一個字，就有數十款關聯詞彙彈出，間接提升速度，方便我日光浴時喪玩SMS！」

唔單只手寫，還可透過鍵盤，用筆劃、拼音法來輸入中文。	售價︰$3,780	鏡頭有1,320萬像素，支援1,920×1,080p高清拍攝，單論規格贏晒！
手寫區域佔屏幕一半，夠晒闊落，最緊要識別能力強，即使認唔到都有近似字提供，仲勁過唔少中文機！	高清試片：Full HD短片頗為清晰，遠方的山景及高樓亦看得一清二楚，而且對比度高，有濃烈的電影感。留意錄製格式為手機常用3GPP，保證電腦兼容。	放大圖片

總結︰F-06B贏個馬鼻

兩機無論價錢、防水能力都相當接近，着眼點自然落在周邊規格上。944SH內置水銀芒，仲可變鏡、變鐘、變計步器， 而且美顏模式可將人變靚，女孩子好難唔心動！只可惜944SH鏡頭像素實在太低，若閣下是龍友，相信像素較高並支援高清拍片嘅F-06B才是心目中那杯茶，而且橫度芒睇片又方便啲，顧及較常用娛樂功能，比較下F-06B僅贏個馬鼻！

規格表

SoftBank 944SH/DoCoMo F-06B

制式　GSM三頻、WCDMA/GSM三頻、WCDMA

體積　110×51×17.5mm/115×51×17.1mm

重量　139g/139g

內置屏幕　3.2吋1,677萬色ASV、854×480解像度/3.5吋1,677萬色TFT、960×480解像度

外置屏幕　3吋單色 /

鏡頭　800萬像素CCD/1,320萬像素CMOS

記憶體　內置104MB、支援microSDHC記憶卡（最高16GB）/內置57MB、支援microSDHC記憶卡（最高16GB）

防水等級　IPX5、IPX7/IPX5、IPX7、IPX8

通話時間　200分鐘（2G）、200分鐘（3G）/300分鐘（2G）、250分鐘（3G）

備用時間　270小時（2G）、310小時（3G）/300小時（2G）、690小時（3G）

撰文︰陳志滔

攝影︰譚建章

查詢電話︰2374 0618

模特兒︰Debby、Iris（Pure Models）

泳衣提供︰Blossom