GT660打機睇戲低音砰砰聲

據非正式統計，十部筆記簿有五部爛聲，剩低嗰啲並非喇叭靚，只係用家鍾意戴耳筒，冇眼屎乾淨盲，可想而知筆記簿想加入靚聲單元絕不容易。歐洲Hi-End音響廠Dynaudio卻朝着難度挑戰，最近首次聯同台灣MSI設計GT660超級筆記簿，頂級用料機價近萬八元，成套42吋iDTV影院組合都夠買有凸，擺明用來騷Quali啦！

售價：$17,998

重低音影院 1,200小時調校

筆記簿與名牌音響合作並非新鮮事，Altec Lansing、harman/kardon、JBL等名字時有所聞，只是今次Dynaudio不但提供兩組高中音單元和Subwoofer，連機身設計、音效卡線路調校等都經過反覆測試，花上超過1,200小時將音效調至最佳，令高中低音重現原音效果。難得有套頂級流動影院，當然要搵隻《Band of Brothers》Blu-ray體驗槍林彈雨下的影音質素，試過推到最大聲，筆記簿都唔會出現共震或拆聲，並確切感受到子彈由左至右、遠至近的空間感，雖然始終唔及高檔5.1咁細膩，但在筆記簿已相當震撼。

Dynaudio幫過Bugatti跑車製作音響，又為BBC做鑑聽級喇叭，今次融入GT660大大提升音效質素。

Dynaudio幫過Bugatti跑車製作音響，又為BBC做鑑聽級喇叭，今次融入GT660大大提升音效質素。

左右喇叭的位置與線路經過1,200小時調校，底部還附有Subwoofer加強重低音效果。

左右喇叭的位置與線路經過1,200小時調校，底部還附有Subwoofer加強重低音效果。

本周剛發布的GT660，記者會以「世界頂級影音遊戲王者」為賣點，主攻發燒友巿場。

本周剛發布的GT660，記者會以「世界頂級影音遊戲王者」為賣點，主攻發燒友巿場。

四核Core i7 開Turbo加速

話明係頂級影音王，GT660硬件配置亦嚇人一跳，用上四核心Core i7處理器及頂級GeForce GTX 285M獨立顯示卡，用料勁過不少桌面電腦，最特別是MSI在筆記簿玩埋超頻加速，整合獨家TDE+（Turbo Drive Engine+）技術，令處理器和顯示卡雙雙提升效能，試過文書上網時以933MHz時脈省電工作，開啟Turbo後即跳升至1.73GHz，玩Online遊戲自然能極速馳騁殺敵。

雖然備有16吋龐大機身，但配以9-Cell 7,800mAh電池帶出街都可玩幾個鐘。

雖然備有16吋龐大機身，但配以9-Cell 7,800mAh電池帶出街都可玩幾個鐘。

機面備有輕觸式Turbo及Cooler Boost按鍵，一按即可提升速度和散熱效果。另備其他快捷鍵方便操作。

機面備有輕觸式Turbo及Cooler Boost按鍵，一按即可提升速度和散熱效果。另備其他快捷鍵方便操作。

附有《LED Manager》軟件，令邊框的LED光管透出淡淡橙光，黑夜中更顯型格。

附有《LED Manager》軟件，令邊框的LED光管透出淡淡橙光，黑夜中更顯型格。

USB 3.0周邊強勁散熱設計

用家可能擔心炎炎夏日帶出街超頻，部機肯定熱到痹，因此MSI在全銅散熱系統內加入Cooler Boost技術，只需輕觸冷光快捷鍵，便能加強風速提升散熱效果。另一細心之處是16吋機身，已有齊Blu-ray光碟機、HDMI及eSATA等插頭，隨時將筆記簿變身家庭影音中心，仲可接駁USB 3.0外置硬碟剪輯高清影片，萬八元部筆記簿果然交足功課。