T-1000型爆

任放子彈窿

《未來戰士2》被譽為科幻電影經典，戲中大隻佬阿諾舒華辛力加扮演的T-800，便曾多次被製成玩具，相對起來奸角T-1000就冇咩人理，除咗因為演員Robert Patrick名氣唔夠外，其任轟唔爆的液晶體形態，技術上又的確難以表達。等了這麼多年，終於由Hot Toys諗到解決方法，在今次12吋Figure中，廠商先在Body前方貼上鐵片，並提供9粒唔同大細嘅波紋形子彈窿，由於背後均有磁貼，玩家只要輕輕力便能貼於Body身上，毋須改裝便有中彈前後兩個造型，實在要佩服廠商心思！

子彈窿背後有磁貼，輕輕力便能貼到Body上，你想點爆就點爆。	T-1000「屈機」到畀人劈頭都唔死得，HT當然唔會放過呢個經典Look。	頭雕似足演員Robert Patrick，最明顯係對招牌兜風耳。
TrueType素體提供30個關節，配合唔算緊身嘅巡警服，擺Pose唔會硬晒軚！	設有騎警服，並附送黑超、頭盔等Parts，Fans唔該自行買埋架電單車啦！

頭雕神似

T-1000戲中好比千面大師，甚至連主角阿媽Sarah Connor都變過，但若數經典，一定係巡警及騎警兩個造型。為此Hot Toys特別製作了以上兩套制服，有齊頭盔、黑超、電筒、彈筴及手銬等Parts，加埋手槍、輕機槍及3款變形手刀，配件多到玩唔晒！至於頭雕就有兩個，靚仔樣由Jeon Young Tae操刀、JC Hong上色，神似度有保證；但最驚喜還是那個爆頭Look，頭雕一開為二，中間「傷口位」有仿金屬物料，神似到咁，其他玩具廠點跟！

零售價︰$1,080

預訂價︰$1,050

推出日期︰今年第3季

巡警及騎警服各有一條仿皮皮帶，兩條均可掛上對講機、電筒及槍袋等配件。	放大圖片	玩具跟晒咁多配件，有排玩！

撰文︰陳志滔　攝影︰陳世昌　查詢電話︰2388 4677