巴斯光年 × Transformers漫遊太空

Toy Story首度變身

食住《Toy Story 3》上畫道勢，日本Takara Tomy特別為巴斯光年設計出Transformers玩具，其實《變形金剛》同Disney合作早有前科，之前出米奇柯柏文賣到斷晒貨，第二代唐老鴨大黃蜂同樣大賣，來到Disney旗下的Pixar動畫主角，搵巴斯光年打頭陣，最搞笑係佢個頭可以拆出來變巴斯仔揸穿梭機，淨係呢Part已值回票價。

三步玩轉穿梭機

今次變身設計頗為簡單，只要拆開巴斯個頭，再反轉背部合埋機頭和機翼，唔使一分鐘就變成穿梭機。但值得一讚是頭部和身體附有連動機關，插個頭落身體時，巴斯腰部和雙翼識自動彈出，而且手腳附有3個關節屈曲，擺甫士更加容易。傳聞山口式稍後都會加入Toy Story巴斯光年和胡迪，大家拭目以待。

機翼沿用伸縮設計，將人頭插番落身就會彈對翼和心口Logo出來。	Step 1：將巴斯個頭拎出來，反轉竟然係迷你人仔，精彩。	Step 2：拎轉背面把機頭和機翼拉出來接合，而腳掌則變成噴射器。
Step 3：最後將巴斯仔放回機艙內合好，就變成穿梭機模式，個轆仲識郁o架！

撰文：鍾鎮科　攝影：胡淑儀　查詢電話：2302 1221