林莉胸虛留力谷寫真
「港版林志玲」林莉昨日和33C導彈日模松岡李那（Linah）同以比堅尼top上陣正面交「峰」，但林莉加穿外套，令Linah搶盡「峰」頭！林莉指o靚模誓要入書展是為啖氣外，更言黃秋生指摘o靚模的言論有參考價值。
昨日林莉出席「蘭桂坊啤酒節2010」記招，並與由日本通王友良鋪路來港發展為啤酒節擔任廣告女郎的日本模特兒Linah齊以比堅尼top配熱褲火辣登場，可惜林莉守身如玉加穿外套打造「胸虛」look，立時零睇頭。
相反在比堅尼top襯托下，Linah的33C上圍動盪不已，成為全場焦點，Linah更十分襟撈的邊晒性感邊做趣怪表情，林莉惟有力挽狂瀾，以甫士搶鏡。雖然「峰」頭被搶，林莉仍大方盛讚Linah身材好可以騷Quali：「我暫時唔會咁，留番谷寫真！」
冇必要為入而入
林莉將推出寫真，她不會在書展搞簽名會，另找地方舉行，又說其寫真雖然沒有比堅尼，但依然性感大膽、有藝術性。問到不入書展又不夠o靚模性感如何突圍？林莉自言做回自己，不會跟別人比較。她有留意o靚模的寫真，覺得比較小妹妹。對於黃秋生指摘o靚模的言論，林莉說：「佢係好有經驗嘅前輩，有獨特睇法，佢嘅意見我都會留意，係值得大家參考。（慶幸冇喺書展申請搞簽名會？）大家都想入去搞，我反而唔係咁諗，簽名會唔使局限喺書展，我唔會因為唔畀入而要入去，為啖氣就唔係咁好啦。」
日模高呼愛成龍
而Linah對被讚性感十分開心，不過她明顯有個小肚腩，Linah承認鍾意飲啤酒，她更學了幾句廣東話「你好靚仔」、「你好嗎」等，問到認為誰最靚仔，她一臉興奮的說：「I love Jackie Chan（成龍）， I like you Jackie Chan！」
文：名人組