名將之後試新波︰Jabulani勁好抽！

南非足球盛事進入最後直路，但最多人談論的話題並非哪隊最有冠軍相，或哪球世界波射得最靚，而是落在史上最「圓」足球Jabulani身上。雖然日前有科學家指此其穩定性不如普通足球，不過與其信數據，不如落場試踢，港隊名將李健和及曾偉忠兩位効力東方青年軍的仔仔就齊齊幫口︰「雖然個波係有少少飄，但好好抽，踢落砰砰聲仲有Feel！」

傳球<br>嘉華︰「新波都幾彈，傳地波問題不大，但斬中時就要稍稍放輕腳力，盡量令足球落地時唔會反彈太遠。」

傳球
嘉華︰「新波都幾彈，傳地波問題不大，但斬中時就要稍稍放輕腳力，盡量令足球落地時唔會反彈太遠。」

利後上射門

數歷屆賽事，最受爭議足球一定非Jabulani莫屬，日前國際足協更承認設計有問題，飛行路線「詭異」又難觸摸。試踢過後，司職東方青年軍右閘的李嘉華都有同感︰「新波真係飄，試過有隊友斬高波畀我，落點次次都唔同，有時走錯位接波都幾尷尬。」的而且確，Jabulani被喻為史上最圓足球，與空氣接觸面小，球速夠飄又夠快。但嘉華就補充︰「新波只係不利守門員，場中球員略加適應後其實影響唔算大，我反而鍾意佢夠輕又易去，輕輕力射命中率已好高，啱晒我後上中距離遠射。」

盡量打手槌

新波對進攻球員有利，東方青年軍翼鋒曾梓軒又點睇呢？「呢個波又輕又飄，球速快又容易改變方向，所以底線盤扭時唔可以太大力；但控球最終都係講求技術，技術好西瓜波都控得好！」再試斬自由球，梓軒腳腳七注，射5球有4球中龍，佢話︰「新波好好射，只要食正個波，射中龍就好大機會入網，令人好有射門欲！」難為守門員Billy左撲右撲，他謂︰「新波易受風力影響，飛到面前都會改變方向，我建議接波時盡量打手槌，減低甩手機會！」

盤扭<br>梓軒︰「球速快易改變方向，更講求控波技巧及個人技術，扭完左邊後最好做定向右動作，咁自然較容易上腳。」

盤扭
梓軒︰「球速快易改變方向，更講求控波技巧及個人技術，扭完左邊後最好做定向右動作，咁自然較容易上腳。」

頂波<br>嘉華︰「我鍾意頂呢個波，球輕唔會頂到頭痛，而且球速快，接應時唔使好大力，已經好有殺傷力！」

頂波
嘉華︰「我鍾意頂呢個波，球輕唔會頂到頭痛，而且球速快，接應時唔使好大力，已經好有殺傷力！」

睇好西班牙捧盃

講完新波，轉談論今屆心愛球隊，梓軒謂最失望球隊是英格蘭︰「格連世紀甩手已經唔好提，但英格蘭班波真係冇心踢咁，大家各自為政一啲組織都冇。我反而欣賞南韓，有團隊精神又好氣好力，睇佢哋踢波一啲都唔悶！」嘉華就看好西班牙捧盃，指他們個人技術好，小組滲透有效率又悅目。不過若數夢幻對決，他們就想巴西對阿根廷︰「始終有卡卡同美斯兩大球王喺度，觀賞價值高好多！」