蔡穎恩斥「撕」暴片傷害女性
書展禁o靚模開簽名會，令不少出密實寫真的o靚模覺得被連累，推出密實寫真的o靚模蔡穎恩（Evelyn）昨日直指o靚模Debby助長歪風，力斥對方拍「撕」暴片助長風化案，對女性不公平！
Evelyn昨日出席「Bag to Basics」活動時，繼續以密實作風示人，對書展禁o靚模開簽名會Evelyn表示十分無奈，認為事件是有人助長歪風，令o靚模之名被醜化。
問Evelyn是否指近日拍「撕」暴片的Debby？她直認說：「都係，作為一個女仔，冇女仔希望有呢啲事發生，件事令人好傷痛，希望佢會道歉！女仔都唔希望畀男仔傷害，佢咁做助長歪風。」Evelyn坦言穿三點式也不是甚麼問題，但「撕」暴片會助長風化案：「可能令心術不正嘅男仔效法，一見到標青啲嘅女仔就諗咁做，咁對女仔唔公平。（想除o靚模之名？）咁o靚模只係口語化形容年輕嘅模特兒，佢哋都代表我哋。」並謂此事對她沒有影響。
面對秦沛失眠
Evelyn強調與Anjaylia（陳嘉寶）在寫真集中的靚相是有着衫，在攝氏40多度高溫下拍攝，每張靚相有血有汗、形象健康。對書展禁開簽名會，她說會尊重大會決定，有機會亦會效法Angelababy送一本寫真給有關方面，以正視聽。她又說寫真集頭三百本，將送出一個與某品牌合作的tote bag，送完即止。
另外，早前Evelyn夥拍秦沛拍攝「淳。茶舍」的綠茶廣告，由於對手是老戲骨秦沛，拍攝前一晚她緊張得徹夜失眠，擔心NG太多會連累對方，不過她大讚秦沛友善，在演技上令她獲益良多。秦沛笑言喜歡跟年輕演員合作，令他變得後生有活力。
文：名人組