炎夏驅味法寶!!
天氣唔穩定，才下大雨又出猛太陽，車廂濕度高自然成為細菌溫床，加上司機乘客汗味，愛車很易變得分外有品「味」。唔緊要，汽車精品店有好多法寶，幫你解決臭味問題。
備長炭去臭包
備長炭一類消臭劑，可同時消臭及去濕，而且使用方法簡單，將備長炭從膠袋取出，放在座椅下便可，而且有效時間長。售價：$38
去煙味消臭劑
食煙、腳臭或食物殘渣，都可能引起臭味。這款大型去臭劑便針對煙味或地氈發出的異味，適合大範圍使用，而且無色無味，可分辨到臭味是否在消散中。售價：$65
罐裝消臭彈
若然想方便至上，不如合埋眼打開呢個消臭彈。佢無味無色，拉開罐面放喺座椅底便可，而就算現時車廂無味，都可作預防之用。售價：$85
噴式去臭劑
除了地氈、座椅，冷氣風口亦係異味元兇之一，因為冷風循環會將汗味吸入，孳生細菌後便會有臭味。只需簡單地將噴劑噴入風口，空氣便可回復清新。售價：$58
去臭裝飾座
想去臭同時美化車廂，好多人會選擇香精，但係以香味蓋臭味，其實只係呃自己，有時兩味合一仲難頂。使用呢款消臭去菌備長炭座，美觀之餘又可達至除臭目的。售價：$35
撰文：林健森
部分攝影：黎劍華
查詢電話：2392 4244