HTC Wildfire 好Apps送給你

新一代「陽光妹」何思諺（Leanne）同其他女仔一樣鍾意行街Shopping，遇啱靚衫實會介紹畀好姐妹，不過遇到好App就麻煩啲，事關下載連結水蛇春咁長，真係有口難言！好彩HTC新機Wildfire內置最新「應用程式分享」功能，按個掣就能把好App推薦畀朋友，從此有好嘢齊齊分享！

短訊介紹App

Android Market嘅Apps數量有成4萬多個，加上其評分機制未及對手咁成熟，好Apps除咗靠自己逐個試，另一方法就係靠朋友介紹。HTC Wildfire為此提供「應用程式分享」功能，用家可把已下載到手機的各個Apps，透過短訊、E-mail或社交網推薦畀朋友，之後對方會收到下載連結，Click一下就直接進入Android Market，毋須口述，出錯機會自然少！

收身版Desire

Wildfire外表猶如Desire孖生細佬，外殼是塑膠，屏幕則有黑框圍邊，並保留光學控制鍵，有9成相似。不過Wildfire屏幕縮小至3.2吋，肥肉亦減去17g，望落成部苗條晒！而且它連Menu、Home等都變晒做熱感按鍵，機面設計更為簡約。為討好女仔，除首批黑色版本外，第三季還會追加紅、白兩色，全部背脊都有塊金屬電池蓋，玩色之餘仲玩專業。

售價︰$2,798

經「應用程式分享」推薦好App後，朋友就會收到連結列，再按就可直入Android Market下載。

經「應用程式分享」推薦好App後，朋友就會收到連結列，再按就可直入Android Market下載。

來電通知生日

Wildfire新功能Caller ID會把來電跟Facebook完美整合，假設朋友來電，除會顯示對方號碼外，連對方在Facebook的更新狀態也會Show埋出嚟；若對方就快生日，更會顯示倒數日期，方便預早買定禮物。上網方面，Wildfire支援7.2Mbps HSDPA及Wi-Fi，而且瀏覽器完美支援Flash，睇到YouTube不在話下，連ontv新聞短片都可流暢播放，抵讚！