袁詠儀恨追女有難度

靚靚昨日出席「Lancome 75周年法式卓越慶祝午宴」，並獲頒發「率真女性獎」，同場獲獎的有何超儀、時裝女王Joyce Ma妹妹郭志怡、龔如心契女徐文玠、「九巴新抱」雷林靜怡及「鋼琴公主」孫穎、黃佩霞、貝安琪、Rosemary等，陳沛嘉獲選全場最佳衣着獎，模特兒林莉及周倩圯則演繹品牌重點產品，場面熱鬧。

摸肚沾旺氣

已有一子的靚靚向來恨生第二胎，昨日她見到現場有記者大肚，即時恭喜對方，又問及胎兒的性別，當知道佗的是B女時，靚靚立時伸手摸對方的肚子表示要沾沾旺氣，並揚言：「有一仔一女係人生一大樂事。」簡直恨生女恨到出面。問她之前是否看婦科？靚靚否認說：「我只係去嗰頭試衫，如果我盡晒努力都生唔到，先會尋求醫生協助，但都係過多一兩年先算。」總之一切順其自然。

問到其夫張智霖有否以食療配合生女？靚靚卻形容對方近期為拍王家衛的電影而「傻」了，她說：「我唔知王家衛同我老公講過啲乜，佢減肥減到好似入咗魔界咁，食嘢又要用秤，做運動做足一日，我怕佢愈嚟愈瘦，我就愈嚟愈脹。（佢做咩角色？）佢冇講，我問佢公司嘅人，竟然話唔關我事喎！」另外，靚靚自言現忙於為囝囝魔童找幼稚園，並笑言為操練魔童進入心水學校，連囝囝都進入魔界。

袁詠儀、張智霖與魔童三口之家，係時候增添新成員。（資料圖片）

左起：袁詠儀、孫穎、郭志怡、關之琳、何超儀、雷林靜怡及徐文玠同時獲獎。

搖滾姊妹花

獲「型格女性獎」的何超儀表示父親節與父親何鴻燊出外晚膳，又說：「佢（賭王）話會睇我套戲，因為有護士睇過話唔係好恐怖，叫佢去睇。」她透露將有新電影計劃，其妹超盈曾表示不介意為其電影客串，超儀笑言：「咁要認真考慮下，我哋可以夾隊女子樂隊，大家學唔同樂器，組成重金屬搖滾組合。（怕唔怕激親賭王？）唔會，佢覺得我哋好有才華同好精彩呢！」

陳沛嘉獲選全場最佳衣着獎。

林莉現場演繹品牌重點產品。

文：名人組