台灣樂團五月天，每年五月都會來港開演唱會與歌迷同樂，雖然被指票價六百八十元太貴，但其實佢哋由八點半直唱到十二點先收工，計落條數都相當抵聽，而且仲絕不欺場，交足二百分。
五月天五子亦相當有禮，慶功宴上雖然攰到開唔到眼咁滯，仲要接受媒體訪問，但依然保持笑容。同埋佢哋為免延誤記者，仲喺慶功宴上唔食嘢住，先做完大堆訪問，跟住仲應邀同各大贊助商、歌迷合照，真係唔話得，抵讚。