趙嘉懿想做星媽 Mandy飲奶護膚

昨日Mandy Lieu與產後首度曝光的模特兒趙嘉懿出席「北海道牧場餐廳」全新中環分店開幕，身穿碎花連身短裙的Mandy晒長腿又騷事業線，問她係咪冇男友就無王管？她說：「我一向都無王管。」問她與前男友陳柏霖有否聯絡？她表示甚少，至於會否彼此翻撻？她鬼馬地說：「翻撻話你知，依家就未撻住！」她又表示很愛飲牛奶兼曾浸牛奶浴：「飲奶係我護膚秘訣，中學開始keep住飲，皮膚又靚又滑。（有指飲奶多會增加患乳癌風險？）我唔怕，仲會日日keep住飲，因皮膚靚。」
Mandy與趙嘉懿同為模特兒，各有不同韻味。
Mandy與趙嘉懿同為模特兒，各有不同韻味。

另邊廂的趙嘉懿向記者展示兩個月大囝囝Marcus的相集，她說：「BB好好動，成日郁手郁腳，似爹哋鍾意跳舞。（做星媽？）冇所謂，我放囝囝啲相去facebook，朋友問我囝囝可唔可以做model，我答當然可以，最好拍牛奶廣告，可以慳唔少。」她更坦言會追多個女。

Mandy現場學整三文治，有板有眼。
  • Mandy現場學整三文治，有板有眼。