螢光幕上嘅張家輝一本正經，私底下其實笑死人唔使本！佢見到個朋友生完BB肥咗啲，竟然抵死到問人哋係咪改行去踢女子足球，又話喺內地做運動員好食好住，有宿舍有饅頭派喎，搞到對方唔知好嬲定好笑！
近排流行玩微博，佢就走咗去學人帶領潮流，不時上網同啲fans溝通，又自稱「本府」，得閒就叫「升堂」，叫啲戲迷做「庶民」，真係畀佢激死！不過佢呢啲無厘頭即將會大派用場，聽聞佢嘅伯樂導演林超賢有意搵佢同謝霆鋒作第三次合作，但今次由合拍劇情片改為走喜劇路線。其實家輝咁有諗頭，唔拍戲都大可以改行去做編劇。